pas lo goust

Aqueste ser deviéu ana en Agradà. Onte i a moun bar preferi: Lo Sarko (vèire li article sus lou bar Lo Sarko) e escouta de Flamenco. Mais bon, siéu pas plus l'Indiana Jones qu'ère à passa-tèms. I a de nèu d'en pertout e espère la Melo que me dèu parla sus MSN. Pièi l'auto-vio me fa pau emé lou marri tèms. E faudra encaro paga.
La journado de reunioun à l'agènci de viage m'a creba. An evouca lou pagamen de cadun. Pas lou miéu. Siéu uno planto verdo aro. Li coulego dou sendica me diguèron que cridave pas proun pèr faire escouta mi dré. Mai va sabe pas faire en publi. E pièi quouro la patrouno me diguè à la pauso cafè: "Faudra pensa de souna à l'agènci maire, sabes que siés vacatàri, faudra belèu, coume cad'an demanda ounte ne sian pèr toun poste". Aco me geino pas, aro, ai la coustumo. L'agènci maire - que se trobo à Paris - couneis moun mestié: li jungle, lou Tibet, lou Canada... Couneis moun book de cor e tourno nouvela moun poste emé, de cop que i a, d'ouro suplementàri. Mais l'agènci de viage couneis pas ma paur pregoundo di vilo negro dins li niue escuro. Dis auto-vio naciounalisado que te coston un bras e que te menon jamai à un endré agradiéu, calourous emé de lume. Vo. Aquelis autorouto emé li bras autoumati, coume se vivian dins lou mounde de Robocop. Lou lume, la calour, la troubes belèu dins "un restoroute", un "4 pentes" que se passejo à l'asar sus toun camin. Es un lume artificiau que te vèn de la carno roujo, goustouso, pèr te rassegura de sabe pas que. Emé uno famiho bloundo e urouso estampado sus lou menu coume sus un paquet de Kinder. Mai l'auto-vio es un mounde sens lume, pas de lume, pas de refleissioun.
Aqui dins la vilo de Tam, pèr countunia de parla dou lume e de sis efié, la paur dou negre e la perdo de la carto blavo (lou blau es la coulour preferido di Francés) es ounipresento. Soun lis estajan que l'an decidi coume aco. Coume uno poulitico fino e rasounado... Es aquelo paur que m'empacho de sourti dou miéu. Dins la vilo de Tam, sote pas. Qu'ai paur di gènt que fan regna la paur... Prefere la jungle, li boua, li caïman, li fèbro cartano à l'odi dis estajan de Tam.
Verai aco. Vau pas jamai faire li courso dins la vilo de Tam. Mancon de lume dins li subremerca. Li bar, à sèt ouro, fan lou cacho-rimbaud. Qué creses? Vau rescontra aquelo chourmo de vièi ome blanc sens coulour en croumpa ma carno? E coume siéu courtés e un pau fau quiéu de qué vau dire???? "Bon-Jour, adessias, vous tène la porto, vous carreje la vostro saco?", mentre que sabe pèr quau e coume an vouta aqui li gènt? Anen! Es pas de ma fauto! Aqueste ser passarai pas la frountièro delemitado pèr lou Flume Grand, que prèn de coulour negro tambèn quouro la nieu li toumbo dedins. Demourarai sus lou soufa (rouge) e esperarai que lou marri tèms (gris) passe. Faudra oublida d'agacha pas la televisioun, que, durènt lis eleicioun, me manjarié tout crus coume un mounstre indefinissable e sens coulour. Demourarai tanca, l'esquino tibado pèr lou clic-clac en fèrri, mau asseta, mau dispausa, assajarai d'agacha un filme en negre e blanc e ma councentracioun - manjado pèr ma journado de trabai - me menara au som.
E lou plus tarrible, lou plus esfraian sara ma tengudo sus lou soufa. Aquéu Jouging gris ounte moun cos fa balin-balan, en trin de manja de ravioli roujas en bouito.
O! Restarai à l'oustau . Anarai pas au lume dou Sarko. E esperarai deman.

Tam (me dison tambèn I.A, inteligènci artificialo vo Indiana Jones, coume vous agrado...)

Aile Noire: Episode 3

Episode trois : Où l’on se dévore

Et il l’embrassa avec des talents de faussaire. Pas de plaisir, de la technique ! Elle, cependant, succombait à ses caresses. Sur le chemin qui les amenait à l’atelier, il s’arrêtaient parfois. Il l’attirait dans un coin. Elle gémissait naturellement. Sous le bec à gaz le gentleman remontait longuement sa main le long de ses jambes glabres. Il caressait son sexe à travers la robe excentrique. Avec son bel accent il disait tout pour l’exciter. Il lui susurrait : « Ecoutez ! Vous m’inspirez déjà… Je vais vous dire le début de ma chanson : Vous êtes… Heu… Ma muse… Ma muse… Ma muse… La muse qui m’amuse ». Et, trouvant ces mots dérisoires et géniaux, Aile Noire miaulait comme un chaton. Elle rencontrait enfin un artiste… Un vrai !… Cette façon de vous caresser, de vous parler, cette façon de s’habiller… Cet homme sentait le riche, le bourgeois, le puissant… comme c'était bath cette façon dont il lui attachait de l’importance !… Ah ! Elle ne lui résisterait pas longtemps ! … Il savait poser ses gestes et sa voix douce était une chanson…

Pendant la nuit, il l’amena là où son plaisir voulait¨aller, il la captura. Elle serait sa protégée et son souffre douleur, l’argument de ses pêchés refoulés, une fée, une reine, une victime, un prétexte, une couverture, une protection face au grand monde et à ses rumeurs. Aile, envahie par le plaisir, convaincue par son expérience de jeune femme qui de l’amour fait son métier pensait que des mains aussi agiles et une langue qui embrassait parfaitement ne mentaient pas. Quand elle découvrit , le soir même, l’atelier entouré de toiles vierges et de sofas nappés de draps blancs, elle défaillit. Le lieu restait secret et mystérieux, il correspondait à son fantasme le plus fort : l’antre d’un artiste. La fillette se disait : « C’est là où tout se passe, l’acte de création dans le doute, la lumière, la peinture et la poussière. Là où l’Homme se débat avec sa toile, qu’il s 'ébroue avec sa peinture et lui-même comme pour un acte charnel. » Non. Ce parolier ne pouvait mentir. C’est lui qu’elle attendait.

A suivre…

Aile Noire: Episode deux

Episode deux: Où l'on se rencontre...

Aile exhibait ses longues jambes de flamants roses. Il la remarqua. Elle chantait une chanson populaire : « Allons où qu’tu voudras, Nicolas !/ T’en auras pas / L’étrenne ». Il se dit que cette petite gamine qui chantait bien, qui vendait l’amour au bord du trottoir serait la victime idéale. Il se mit en scène. Il admira son corps d’un regard insistant et théâtral puis la siffla. Il écoutait cette voix haut perchée qui roulait ses R sur « Voudrrras, aurrras, étrrrrenne» et comme dans ces vaudevilles qui font le plein le soir, il attira son attention en chantant. Il reprit le refrain : « Allons où qu’tu voudrrrras, Nicolas !/ T’en aurrrras pas / L’étrrrrenne », il se détacha du troupeau en haut de forme qui attendait la fin de l’entracte sur le trottoir, l’accosta puis la flatta. Avant la conversation, il lui glissa un gros billet entre les seins. Ils s’embrassèrent mais l’envie ne venait pas, alors il lui parla d’une voix douce. Il loua les qualités de son timbre qu’il pensait envoûtant. Il lui parla en caressant sa gorge d’enfant. Et Aile Noire qui n’osait prendre la parole finit par rougir. Il la lâcha. Ils discutèrent encore. La gamine lui dit son désir de chanter. Elle l’affirmait : « La Chanson c’est ma vie, ma liberté, ma façon d’être au monde ». Pendant la conversation le chasseur la cernait. Cette proie aurait tué sa mère pour devenir célèbre. Il se présenta : « Je suis Andréa Bianconne, le plus grand parolier de la capitale. Je suis plus connu sous le nom d’Il Parigiano Sensuale ». Et pour la titiller, il dût l’embrasser encore. S’éloignant du corps qu’il serrait trop à son goût, il fit cette promesse : « Vous, je vais vous faire chanter. Il y a un moment que je vous observe du coin de l’œil, avec mes camarades. J’ai une idée de chanson pour vous. J’habite un atelier d’artiste où je peins et écris un peu, si vous m’accompagnez nous pourrions créer de grandes choses ensemble… Vous me suivez ? »

A suivre...

Au Sarko

Mai dequé fasia Woody Allen au Sarko? Coma de costuma, amé lei collègas ( e subretot amé ieu), jogaviam au joc dei "Sosies". Fau trobar lo quidam que sembla lo mai a una celebritat. Coma siau fin e observator, te vese arribar Woody Allen e coma ère fresc disiau en cadun en tapant dau coide: " Ve! Es Woody Allen! Ve! Es Woody Allen!". Lei collègas èran a rire... heu... mejan. E coma trobave aquo traç que risolier, tornave dire: "Ve lo! Es Woody!". M'agrada pas quora mon public me seguis pas. E torne dire mei galejadas. Brubru, qu'es un asiatic, me faguèt comprene qu'ère pesuc. De son agach de cat, en dire rèn, que ieu me fau dire lei causas, me faguèt calar. A un costat "manga" (dins la mena d'un goldorack que te fa la patz sus tèrra e qu'as ren de dire, ren, se que non te tua d'un ralhon laser dins son ciberlab) e son agcha de cat me diguèt ma "pesituda" (lo mot es de Segolo) d'ome dau miedjorn. Leis uelhs de Brubru disian: "arrèsta de faire de bruch" (de legir en mistralenc, sona melhor). Bon, me siau fach mon film, en virant lo coca dins mon wisky, amé la palha, ai rosigat ma palha. Ieu, ère dins Manatan vo sabe pas dins quin filme. Coma dins lei versions francèsas, Woody Allen èra mau doblat. Me parlava lèu que compreniau que chti. Bon èra pas la doblura qu'èra marrida... Eron leis efiechs de l'arcol. Manatan!!! T'ai esperat Diane Keaton... T'ai vist arribar Jana Catassa, la femna dau patron . Me diguèt d'arrestar de me trufar dau monde e me comparèt - en causa de ma talha de Napoleon - a Simplet dins Blanca Nèu.
Boarf. Me siau partit mai luenh. Ai cambiat de filme. E me siau lançat dins la cançon. Au fonds, dins lo negre, una femna tubava la pipa, una pipa vertadiera, amé de tabac. (Precise. Sabèm jamai). La pipa desformava sa boca de guingoi. E me vaqui dins mei comparasons tarriblas e missantas (siau pas missant, es l'arcol) : "Ve! Patricia Kaas! Ve Patricia Kaas!". E puèi, regde sus mei doas cambas, ai vertadierment calat. T'ai vist arribar un Yannick Noah qu'avia pas enveja de me jogar l'ambient de la brossa. La saga foguèt pas africana e me siau dich:" A mon paure Tam! Ca va finir en Chenille! Ils vont m'envoyer la bande à basile pour te tabasser !". Car Yannick Noah èra l'ome de la Patricia en question e un pilier de bar. Au Sarko, avia sa plaça tota. "Sabes ço que te ditz Patricia Kaas?" Abans d'ausir la votz douça dau Yannick, sortiguère la carta blava per lo café tot. "Virada per totei!" cridère de ma votz de Minipousse.
E lei collègas de dire: " Ve! Ve lo! Milton Friedman! Diriam Milton Friedman". Eran missants mai se perdona: Avian trop begut!

Uno vilo de Schuiten e Peeters

Vaqui a de que semblarié belèu la vilo de Tam, se la poudian dessegna. Li teulisso de Schuiten e Peeters, soun aquiteituro manlevado à la rego claro d'Hergé. Perqué pas... E sèmpre dins la negritudo (coume dirié Cesaire vo Royal)...
Quauquis album que m'agradon:
L'archiviste, edicioun Casterman.
Brusel, edicioun casterman (mencioun especialo de la jurado, aquelo bd me ramento un viage pèr li 100 an de la bd dins aquelo poulido vilo de Belgico)
Mary la penchée, casterman
L'enfant Penchée, casterman
L'ombre d'un homme, idem
La frontière invisible, idem

De legi la biblo de Benoît Peeters:
Le Monde d'Hergé, Lou libre que fau legi sus lou mèstre.

Anem dansar au Sarko!

Dins ma vila preferida, la vila Agradà onte vau m'apasimar quora lo trabalh es acabat, quora pode laissar ma masca e mon vestit d'ome sociau, quora pode tornar èstre lo Tam que siau, dins ma vila preferida, i i a un bar. Se ditz lo Napoleon. Disèm pas "anam bèure un cop au Napoleon". Disèm anam bèure un cop au "Napo". Fa mai d'jeun coma diria Tam junior, lo pichot de ma veisina que me sembla. Aquo significa doncas una certa filiacion, una amistat pregonda per aquel ome istoric per quau vau m'oblidar dins lei vapors dau Wiski Coca vo d'una Margarida (coma sabon pas faire la margarida te meton un pauc tot ço que podon dedins...). Enfin. Enlai, lo dj es traç que bon. Te met de cançons qu'an pas d'atge e que te rementon l'atge qu'as. A! lo pijama esponga dei dissabtes dau ser a agachar leis aliscamps e lei pampalhetas dins leis emissions de varietassa a passa-temps! Alara, au Napo, ieu vese que lei gents que dançan son populars qu'es pas de dire. I a totjorn un tipe que te sembla au Woody Allen en mai grand. E un Josèu Bovet que te sert amé la pelha per la terralha dins la boca coma s'èra son dodo. Sarà surament pas lo public que te votaria per Napo se se presentava ais elections. Es doncas un public d'ibronhàs coma ieu
que van dançar au Napoleon per l'ironia dau nom dau cafè. Siam totei intelligents au Napo. Ara, per geinar pas lei gents que frequentan lo bar, per melhor racontar meis istorias de cafè, dirai pas plus "anam dançar au Napo", mai anam dançar au "Sarko". E santat!

Aile Noire 1. Où l’on découvre Aile Noire

Accordéon! Accordéon j'ai dit!

Aile Noire avait quatorze ans. Dans la rue Blanche où elle vendait son corps, elle rêvait à ses idoles : La Goulue,  Grille d’Égout, Nini Pattes-en-l’Air,  Jane Avril, Valentin Le Désossé.
 Ah ! Les doux noms charmants de nos chanteurs populaires! 
 Ah ! Leurs rondes silhouettes sur les affiches !
 Les hommes pausaient en écharpe. Les danseuses sautillaient le corps mi-nu en apesanteur comme des fées rouges.  Cette gigolette, cette Aile Noire, ce petit moineau sombre, cette étrange crevette au nom de sioux, voulait leur ressembler.

Les noirs de spectacle, Aile s'asseyait sur le bord du trottoir.
 Au fond de la Rue Blanche, les filles couronnées de plumes se préparaient pour leur entrée  en fumant une dernière cibiche. Tous ces costumes, ces pourpres, ces blancs, ces noirs,  ces odeurs fortes de cocottes en sueur,  ça la faisait chavirer.

            La Noire se vendait devant Le Moulin Rouge. Une tactique. Elle guettait les entrées et sorties, espérait lier contact avec le monde nyctalope des cabarets.  Elle marquait son territoire clopin-clopant. Comme un pas de danse. Elle s’exhibait. Mais on l’ignorait  avec ses jupons, ses cheveux noirs bouclés en bataille, ses collants serrés-serrés, sa démarche cahotante de clown qui possédait déjà une tenue, une allure particulière, une sorte de boitillement léger qui faisaient d’elle une chanteuse et son univers.

            Les spectateurs l’évitaient. Vers vingt-deux heures sous le parvis du music-hall, pendant l’entracte,  les hommes se taquinaient. Les mâles causaient avec les mâles, la tête masquée par un nuage de tabac. Les plus agiles se soufflaient des ronds de fumée à la figure. Ils riaient fort, très fort, très gras. Puis la sonnerie retentissait, fini la récré, le spectacle reprenait. Ils se saluaient de leurs chapeaux hauts de forme, se glissant quelques grivoiseries à l’oreille,  se copiant tous avec virilité. Petites tapes sur l’épaule.
Dernières plaisanteries tristes de pissotières.
Aile Noire enrageait de n’être rien parmi ces moutons de panurge.
 Elle n’existait pas.
 Moustachus, barbichus, binocles s’engouffraient dans la salle de spectacle pour admirer d'autres nanas.  Alors, ivre de rage,  sur son trottoir, comme sur une estrade, la pute vierge reprenait ses quartiers de nuit  en chantant un vieux succès de Thérésa :
« Je suis la Thérésa noire / Et je ne bois jamais de l’eau / Quelques bravos pour ma gloire / Saluez la Ri-bo-do ».

Le gigantesque Moulin la narguait de ses grandes ailes de chauve souris.

Accordéon! Accordéon j'ai dit. 

Mais qui était Aile Noire?

feuilletons

Bientôt dans ce blog vous allez pouvoir suivre les aventures d'un Indiana Jones à la retraite et la saga de la chanteuse Aile Noire qui balaie trente ans d'histoire de la chanson. En français ou en langue d'oc, les feuilletons à l'ancienne, comme dans les journaux de naguère, sont à la fête! Suspense, trahison et mystère. Votre ami Tam est très inspiré!
A suivre, donc...

f coume foutougrafio (bis)

Foutougrafo preso pendènt la manif à Caracassouno.
Se se recouneis, pou lou dire. Levarai lou retra tout d'uno s'aco la geino de se vèire sus lou miéu blog.

f coume foutougrafio

La foutougrafio m'agrado en argentico, pèr soun gran, soun aspet noble, sa sensualita e sa sensibilita. Coume lou grand chocolat, qu'es negre, es repetable e fort en gost. Vous mete aqui lou liame d'un afouga que refuso - coume iéu - lou numerique:

http://justin.arnault.free.fr/

Sa toco, coume iéu, es de faire un blog en negre e blanc, en argentico. Me diras ço que n'en pensas...

c coume cinèma

Le cinèma est-il plus important que la vie ? (François Truffaut)

un parèu de cinèma

Vene de vèire Li tèms cambion de Téchiné. On torno trouba un parèu miti de l'istori dou cinèma, lou parèu Deneuve-Depardiéu e la pato dou Téchiné. Soun biais de pintar la naturo, lou paisage ( lou verd que m'avié marca dins "li rousèu sauvage") e d'èstre dins lou paisage emé sa camèra nous espanto de longo. Car Techiné es dins cade encastre, dins cade recantoun de l'image que filmo. On pou pas trouba mai persounau. Si tèmo sus la dualita de l'èstre, di rescontre malaisa, de la dificulta d'èstre e d'ama, tout es dins la pregoundour, lou silènci vo - au countràri - dins lou dialogue assessin. Ai causi la tresenco foto en negre e blanc que vesès qu'es - dins lou raconte - la foto que lou persounage de Depardiéu pauso souto lou lié de Deneuve l'amourouso qu'a jamai quita d'ama desempièi 30 an. L'ome la pauso souto lou lié per que la femo tourne s'enamoura d'èu. Dins lou filme, Truffaut es coupa e la fouto recadrado. Sian dins la ficioun e falié vèire lou jouine parèu, fa 30 an d'aco. Falié vèire li persounage e pas lis atour. Mai tre l'aparicioun de l'image lou cinefile pou pas ignoura l'oumenage que fa Téchiné à Truffaut, un di grand d'utilisa lou parèu miti dins un filme classi de l'istori dou cinèma: Lou Darnié Métro. Es un encantamen de tourna vèire aqueli persounage de peliculo que nous an fa pantaia e l'image de Téchiné nous fa pensa que l'obro dou Francés Truffaut countunio. Car lou filme "li tèms cambion" es uno meso en abimo. Aurian pouscu dire: "Vo, li tèms cambion, tout es mort". Mai noun, pèr Téchiné, un moudèrne (soun biais de filma lis obro semblo à de cinèma esperimentau), li tèms se perlongon, e lis atour, dins uno justesso qu'es pas de crèire, soun aqui pèr nous ajuda à crèire, lou tèms d'un filme, à un grand d'autour. Un filme d'autour, un filme escri, un filme d'ome qu'a de mouloun de causo de dire. Aquesto passo, dins l'istori dou cinèma francés, es belèu l'ouro dou vièiun coume l'aurié pouscu faire pensa lou darrié Resnais, mai en co de Téchiné sian à l'ouro de la madureso, sèmpre tournado enventado.

Danso pichoun mounde

l'aigo que rajo

indiana jones

 

Indiana Jones

Cantèt lo telefonet. Aqueu ser d’aquí aviáu enfin recebut de nòvas de tu. Ère dins una forèst estrangièra e se podiam pas sonar. Menave una còla de toristas. Menar de toristas èra mon mestier. Eriam dins una selva bèla. Quant d’ans d’abscéncia sensa ren saupre de tu ? La nòva disiá qu’aviás agantat la malautiá. Ieu, qu’aviáu crenta de te parlar, en causa dau vueje que m’aviás laissat, me passejave ambe mei toristas dins lo lorditge dei baus e deis aubres gigantàs… La soleta causa que poguère comprene es : « malauteje, tourno me souna. » Èra marcat en grafía texto. Ai davalat mai lèu de l’escorreguda que non pas leis autres. Ai laissat mon cambarada guide faire son mestier e ai fugit. Ai inventat una urgéncia, sabe pas que. Qu’urgéncia li aviá.  A la davalada, lo menut trapaire passava mau : saucissas grasilhadas, mergués, bananas e chocolat, tot aquò vai ben per leis escots, pas per lei jovents de trenta ans. Aviam manjat dins una bauma ambe la toristalha.  Òc, èra una jornada dei bònas, de segur ! Mai per lei toristas ! Pasmens, sabe ben, ieu, que fai ben quatre ans qu’espère plus ren de la vida, franc de traucar de baumas, de camins, e de rescontrar de lengas amagadas mai preciosas que dison l’aiga, l’èrba, lei pèiras, e leis aubres.  Mai lo sensuau. Fau-ti ne’n parlar ? Ont a passat lo sensuau ? Quora m’entorne a la vila, i es pas plus. Alora ensajère de te tocar, dos ans puei. Dos ans. Tant qu’aquò ? Te tocar ambe lo telefonet. Sabe pas se lo jòc de mòt foncciona. Sota lo tibanèu (aquela comunicacion de l’estrangier anava me costar un braç) cerquère ton pichon nom dins lo repertòri. Lo malhum passèt. Avèm parlat ambe lo mistèri dei letras texto. Èra lo solet biais de charrar e per ieu de pas… coma dire… enfin… m’as comprés ! Mai çò que te dise, es que ta malautiá - e mai se la vida nos dessepara - l'aviáu sentida. Ben avans la comunicacion per telefonet. L'aviáu sentida. Car per tu, ai "lo forfach illimitat"... Dins la selva, dins lo trin, d'en pertot, se se podèm pas parlar dins la vida, ai ta votz dins lo trauc de l'aurilha. Lo blu tooth etèrne que me quitarà pas jamai. Quora tornarai de la selva, m'as prepausat de venir bèure un còp au tieu. M'as indicat l'estànci, teis entressinhas. Per charrar de ta malautiá. Dins ma vila de T... S'ai lo coratge de traucar la jungle, d'aparar de lengas amenaçadas e de sempre me ne’n sortir, sabe pas, pasmens, s'aurai lo vam de prene la veitura, me tancar dins ta carriera, e de montar dins ton nis per un chocolat ò un café.

Jungle d’Akela. 12 de decembre 2006. 

Lou telefounet cantèt. Texto. Aqueste ser aviéu enfin recebu de novo de tu. Ere dins uno forest estrangièro de Tam. E se poudian pas souna. Menave uno colo de touristo. Mena de touristo èro moun mestié. Erian dins uno selvo grando. Quant d'an d'abscènci, senso rèn saupre de tu? La novo disié qu'aviés aganta uno malautié. Iéu, qu'aviéu pou de te parla, en causo dou tristun que m'aviés fa,me passejave emé de touristo sus lou M... N..... La souleto causo que pouguère coumprene es: "siou malauto, torno me souna". Ero escri en grafi texto. Ai davala mai lèu de l'escourregudo emé lis autre. Ai laisso moun cambarado guido faire soun mestié e ai fugi. Ai enventa uno urgénci. Qu'urgénci li avié. A la davalado, lou "menu trapaire " passavo mau: saucisso grasilhado, mergues, banano au choucoula, tout aco es bon pèr lis escout, pas pèr li jouvènt de 30 an. Emé li touristo avian manja dins uno baumo. O, èro uno bono journado, segur! Mai pèr li touristo! Pamens, sabe bèn, iéu, que fa bèn quatre an qu'espère pas plus grand causo de la vido, leva de trauca de baumo, de camin, e rescontra de lengo que dison l'aigo, l'èrbo, li pèiro, vo dire lou noum dis aubre. Mai lou sensuau. Fau-ti n'en parla? Dins la vilo de Tam, es pas aqui. Alor assajère de te touca, dous an après ( dous an... tant qu'aco?)
emé lou telefounet. Souto lou tibanèu (aquelo coumunicacioun anavo me cousta un bras) cerquère toun pichot noum dins lou repertori. Lou resèu passè. Avèn parla pèr lou mistèri di letro texto. Ero lou soulet biais de se parla e pèr iéu de pas... coume dire... Enfin... M'as coumprés! Mai ço que te dise, es que ta malautié - e memo se la vido nous desseparo - l'aviéu sentido. Bèn avans la coumunicacioun pèr telefounet. L'aviéu sentido. Car pèr tu, ai "lou fourfa ilimita"... Dins la selvo, dins lou trin, d'en pertout, se se poudèn pas parla dins la vido, ai ta voués dins lou trau de l'aurilho. Lou blue touth eternau que me quitara pas jamai. Quoura tournarai de la selva, m'as prepausa de veni bèure un cop au tiéu. M'as endica l'estànci, tis entressigno. Pèr parla de ta malautié. Dins la vilo de Tam. S'ai lou courage de trauca de jungle, d'appara de lengo amenaçado e de sèmpre m'en sourti, sabe pas, pamens, s'aurai lou van de prene la veituro, me parca dins ta carriero, e de mounta dins un nis pèr un chocolat vo un café. 12/12/ de 2006.

Lo cachimbau de la patz

Quora sias a la montanha dau Leberon, pos rescontrar un fum de mots: aiguier, loba, lobatàs, morre, morre negre, restanca, bauma, rieu de l'aigua-brun, calada, borri. Que seis originas venon surament d'una lenga indiana que ditz leis erbas, lei montanhas, leis animaus, lei luocs dichs e lei cors d'aiga. Per dire la sapiéncia d'un paisatge e son saupre-faire. Aquèu lengatge de Sioux, siatz d'accord amé ieu, lo fau conservar e protegir. Mai quau entrendrà aquo a l'ora de Segolena e Micolau (bona nuech lei pichots)? Faudria escriéure au Micoulau Ulot (hou! hou!) per li demandar de preservar amé la natura aquela lenga sabènta. E benlèu de crear un site protegit e naturau dau lengatge. Un pargue d'un lengatge, coma lo pargue dau leberon.

taulejado felibrenco

Deman taulejado emé li felibre de la vilo de Tam.
E divèndre de ser aperitiéu à la vilo d'Agrada (vesino de Tam). Uno bono cerveso entre ami.
Lou bacus que siéu vous preciso que sara pas poussible d'escriéure de message, la boutiho à la man.
Se tournaren trouba dilun! (emé lou mau de testo, belèu, mai se tournaren trouba)
Poudès pamens me counta la vostro dimenchado!!!
Matiéu.

Dins la televisioun de ma fenèstro.

Ah! se leva d'ouro. La testo dins lou quiéu. Bèure soun cafè emé uno dificulta estrèmo. Manca sa bouco. Pas manca l'ouro. Manca sa bouco. Pas manca l'ouro. Escouta lis aventuro de Micoulau e Segouleno (bono niue li pichot!). Franço Intox. Oublida lou pan dins lou gresihadour. Se doucha lèu lèu. La teleto dou cat es pas permeso qu'anan rescontra un publi. Sarié pas respeitous. Se barbeja e se coupa. Sauna si gauto, pourta li sigmato dou crist. E mai te metes de coutoun, e mai saunes. Qué va dire lou publi? Manca si gauto. Pas manca l'ouro. Manca si gauto. Pas manca l'ouro. Aro ai oublida un pèu sus la garganto. Fan! M'ère pas vist que me poussavo uno selvo dins lou nas. Ai un Mougli dins un recantoun. Lèu, la pinço d'epila de moun ex! Aro que siéu lest, me gargue lou darrié tricot verd que me demoro dins la gourbiho dou linge. Qué va dire lou publi? Pièi dubri li contro-vènt. E reluca li vesino dou balcoun d'en fàci que se chanjon sènso pudour. Demoura dins lou negre de la cousino e se dire a la chut chut que sarà, finalo, uno bono journado. Manca l'ouro. Mai pas manca li vesino.

un àvi de la vilo de Tam

Quau es?
Gramaci à Bruno de l'Atelier Baie (Nimes) pèr sa doucumentacioun.

cansoun urbano

Uno poulido cansoun dou Nougaro: il y avait une ville.
De legi e d'escouta.

http://www.frmusique.ru/texts/n/nougaro_claude/ilyavaituneville.htm

B coume blasoun

"Iéu darai de leiçoun
Sus la noublesso e lou blasoun"

M. Bourrelly cita in Lou Tresor dou Felibrige

Q coume quitran

Li bouto de quitran
La niue se brularan

M. de Truchet, cita in Lou Tresor dou Felibrige.

T coume Trepadou

"Au trepadou d'aquesto ribo
I'a n' èr gabin que rènd malaut"

T. Poussel cita in Frederic Mistral, Lou Tresor dou Felibrige ( 1878 - 1886 ), Barcelona, Marcel Petit CPM, 1979.

Retra treva

Aquèste cop es Calou que faguè l'image. Siéu iéu! M'avès recounegu? Ah! Ah! M' agrado forço lou biais de mescla li coulour. De faire de iéu un èstre coum'uno trevo dins la vilo. E au mitan, un mounumen de la vilo de Tam que se pou trouva dins uno autro vilo de Franço. L'avès recounegu, parié? Coume li japounés lis estajan de Tam soun de coupiaire-pegaire. Valènt-à-dire que ma vilo mancarié de persounalita? Vai saupre!... Pamens touti li revoulucioun, dins touti li pais soun li meme, noun ? Espère vostr'avejaire aqui dessus! E gramaci pèr li dous vo tres message que me soun ja arriva! Lou Mounde de Tam, sa vilo e si persounage, es à se crea...

uno paret antico de la vilo de Tam

Moun tam-tam es uno vilo... Ounte se rescontre Calou e un paisage urban en negre e blanc. Sabèn pas quoro nasquè la vilo de Tam... Pasmens se pou encaro trouba de paret coum'aco, li muro d'uno antiqueta recènto... Ounte l'ome bastejè countre lou Mino-taur... Aro, l'ome bastejo countre sa playstation... De counsuma senso mouderacioun...

calou dins la gàbi

Sian de cop presounié d'uno vido qu'avèn pas causido... coume lou paure "Toto, 30 an" de la cansoun d'Alan Souchon. Calou, elo, a causi de viéure de sis image, dou cinèma... E a capita à la capitalo!... Aquel empresounamen sus la foto es un pichot pan-de-nas à ço qu'erian, à ço que sian vengu e (belèu) ço que saren jamai. Empresouna dins lis image, vaqui lou destin!

Un rescontre un pau estrange dins la vilo de Tam. Un Sumo... Un gigant japounés... Vo lou choc di culturo...

Uno visto de la vilo de Tam. Vous presente Calou coum'uno obro d'art.

Es lou tam-tam qu'arrivo
Lou tam-tam di tèms moudèrne
Un signau de tubèio
Dins ma curiouso vilo
En negre e blanc
Es lou tam-tam di trin
Di refran sens aire
Es lou tam-tam di vilo
Di vilo e di rai
D'un gris soulèu