bernard bouyé

Aqui un fotograf que sembla traç qu'interessant:

www.contrechamps.fr

per M de S...F...

... e per de jorns melhors....

res poetica

Un poèta.

Dins lei carrieras de Briançon, pendent lo festenau d'espectacle de carrieras, ai escotat de poèsia montpelhierenca dins la cort d'un ostau vielh. S'agissié de la chorma de la res poetica.

omenatge a Nimeno 2 4

... e subran... Chinito matèt lo buou, sota una pluèia de rosas...

(c) Lou Tam, 2007

omenatge a Nimeno 2 3

brise d'ile tropicale

toute la nature sauvage et libre

voila ou je veux être

La isla bonita

omenatge a Nimeno 2 2

Lei dançairas nimesencas assajèron de dançar la sevilhana....

Omenatge a Nimeno 2

D'un cop... sus lo plan... leis aubres an calat... Lei platanas badèron, lei brancas levadas au cèu coma lei patas d'un pofre...

la mal coiffée

La Mal Coiffée

Chants traditionnels du Languedoc

sur France 2

Samedi 27 octobre
Emission Tenue de soirée
de Michel Drucker
à partir de 21 heures

uranus de berri

Uranus es un grand filme tiatrau. Sus un subjècte inedich e coratjos au cinèma: lo comportament dei colabos e dei resistents après guèrra. Un Depardieu colossau. Un Galabru grand. Un lucchini espeventable. E lo tèxte de Marcèu Aimat fabulos.

Un cinèma classic a la Berri. Coma om aima.

nathalie baye bye bye

A un peridode, es un temps preistoric, Baye fasié de bon cinèma. Aqui, sus la foto, amé Truffaut... Lei temps cambian e avèm lei realizaires que meritam... Es pauc parier per lei presidents...

Aquesta passa es la crisi dau cinéma francés. Siam totei d'acordi que vas pas donar ton argènt (as trabalhat parier per ganhar mens) a un telefilm anonciat per una aficha blanca (qu'es lo codi de la comedia dempuèi Pretty Wooman) e que te parla dei crisis dau parèu parisenc que t'en cagues que siés de Moncuc. A! Lo polit cinèma francés tornat en numeric que la pelocha te costa un braç! Amé un ome de color catolic au mitan vo un omo jusiéu blanc (as la causida) per faire "dubertura" e emplenar lei quotàs... Napoleon dirié: "Oui.. Monsieur... Quand on me demande si je vais voir un film français... moi, j'y vais monsieur... et je n'ai pas honte d'aimer le cinéma français Monsieur... Il parle des problèmes du petit français... Comme moi... Et le français, moyen, monsieur est respectacle... Pour conclure, Monsieur, si vous me demandez pourquoi j'aime le cinéma français, monsieur, que si vous n'aimez pas la france, elle vous quitte, c'est parce qu'il me respecte, moi, français, mon histoire et mes adn... Car le cinéma français ne parle-t-il pas en français de divorces français, par exemple, et donc, de rupture au beau pays de France? ". Heu... Je suis énervé par la colère... Lei filmes francés... Aquo son de filmes respectables per mei gents (Truffaut apondrié qu'es "un certain cinéma français"...) que son afogats per lei filmes europencs au ritme germanic: valent-a-dire: Derrick. Aquesta passa, doncas, pos pas escapar au filme franchimand, mema pas telecargable, talament te fa cagar! La reina actritz d'aquèu cinèma "contemporanèu" (après un bèu mestier en co de Truffaut e Spielberg pasmens) es Natalia Baye. Dèu èstre bancabla, la dona. Te fa una pub per un DVD, un filme per mes, es sus cada pagina d'Estudio, rubrica FILM FRANCES. E te joga de longa lo meme rotle de femna aimada, risoliera, divorciada que tuba per faire veire que pensa e que sota sa color rossèla s'escond pas una blondor mai una grisor. L'an sortit i a quauqueis ans dau placard, Baye, capiton pas de la tornar metre, rintra pas plus dins lo moble, qué! Alara, quora mei gents me demanda s'ai vist lo darrier Natalia Baya, responde de "non". E quora me demandan:"perqué". Aqui dise: "perqué es pas balhat, baye".

Photos de Cinéma - La nouvelle Vague

Ou! Aquo sarié un bèu presènt per mon amiga Calou que fa de montatge de cinèma a Paris. E que i deve montar a Paris, la setmana que vèn per vos contar Calou, sa vida a Paris, sei montatges e coma dormir dins un clic-clac au mitan deis ordenadors, dei maquinas de montar lei filmes, l'odor dau tabat fresc, e dei produch de beutat bios. E coma tornarai trobar ma Calou que s'es arrestada de tubar? Trauca de longa la vila per trobar sei bobinas, sei realizators, seis actors e seis amoros. Se vos conte tot aquo, faudrié ben li crompar lo libre, a Calou. Per lei drechs d'autor e son drech a l'imatge. Me sembla qu'es afogada de Jan-Luc Godard. Dequé pensatz?

Ramond Cauchetier e Marc Vernet, Photos de Cinéma autour de La Nouvelle Vague, Image France Edicions, Paris, França, Europa, 2007.

Studio, la légende du Cinéma

Amé l'avantatge d'èstre bilinga, s'apregondis la dubertura d'esperit e la curiositat. S'acabarà jamai en ieu aquela enveja d'aimar, de remirar, de m'interrogar. Amé l'avantatge d'èstre bilinga, me podètz crompar, un fum de causas. Siéu pas complicat e dificil a viéure: Ai lo ruscle de tot! Pou tocar au cinèma oliodian coma au felibritge, a la lenga d'oc coma a l'anglés, a la literatura japonèsa modèrna (qu'es de descubrir e que coneisse pas encara) coma au polar negre american. E, segur, a ma passion novèla: la Fotografia. Lei bèus libres e la fotografia. Alor, me podètz crompar aquèu libre. Ai traç que fam! Mdr!

Segond Studio N° 239, (Paris, França, Europa, octobre de 2007) lo libre Studio, la légende du Cinéma (edicions Albin Michel, Paris, França, Europe, 2007) sota la direccion de Marc Esposito e Miquèu Rebichon (lei fondadors de la revista) es un bèu libre que recampa lei mai polidei fotografias publicadas. 350 clichés per contar vint ans dau messadier. Fotografias d'art, retrach, scènas de vidas sus un tornatge, negre e blanc... Comentaris, en Francés, de l'ancian cap redactor. Un bèu presènt... qué!

assessinat de jesse james

Veguère l'assessinat de Jesse James. Filme mejan e un pauc lentos. Pamens i siéu forço ben dins lo rotle de l'assessin assessinat.




Realizator: Andrew Dominik Autor: Ron Hansen (Libre) Compositor Nick Cave Compositor Warren Ellis Director de la fotografia: Roger Deakins Escenarist: Andrew Dominik Produccion Warner Bros.Pictures Produccion Jesse Films Inc. Produccion Scott Free Produccion: Plan B Entertnainement
Andrew Dominik Robert Ford Casey Affleck Charley Ford Sam Rockwell Frank James Sam Shepard Zeralda James Mary-Louise Parker
Dorothy Evans Zooey Deschanel Jesse James Brad Pitt Wilbur Ford Pat Healy Ed Miller Garret Dillahunt Wood Hite Jeremy Renner
Albert Ford Jesse Frechette Henry Craig Michael Parks Shérif James Timberlake Ted Levine
Charley Ford

cantem cuba

musica cubana dins lei carrieras.

"Tout le gang était là, ceux de Porto-Rico, ceux de Cuba
Les maqueraux de Harlem, les revendeurs de coke ou de coca
Ceux qui vivent au soleil, avec des femmes blanches dans les villas
Et ceux qui mangent pas, sapés comme des nababs à l'Opéra
La voilà

C'est une latine de Manhattan, de la résine de macadam
Un coup de fouet, de haut en bas, qui te soulève, c'est la Salsa

C'est une frangine portoricaine qui vit dans le Spanish Harlem
Les reins cambrés au bon endroit, elle est superbe
C'est la Salsa" Bernard Lavilliers.


(c) Tamtam 07.

arquitectura de la vila de Besançon

arquitectura de la vila de Besançon

la rompedura

(c) Tam 2007

Edward Steichen: De Rodin a Garbo.

Garbo...

Rodin...

Swanson.

Espantant Edward Steichen. Visquèt de 1879 fins a... 1973! Coma ton grand, avisa-te de tot ço que l'ome coneiguèt dins sa granda vida: un periode de decebuda dins son umanitat e de progrès tecnics estrambordants! Trauquèt un sègle tot amé sa maquina de prene de fotografias ! Ansin podèm trobar de retrach que van de Rodin fins a Garbo. Lo gèni prendrà la fotografia coma una obra d'art e trabalharà e tornarà trabalhar sei clichés per atenher la perfeccion estetica dins son laboratori. A ieu, m'agrada la fotografia, tota en flor, de Gloria Swanson qu'es d'un onirisme ipnotic pivelant. En America, mercés a l'ajuda dau fotograf Alfred Stieglitz, Steichen mostrarà leis obras de Rodin, Matisse, Cezanne, Brancusi... Picasso, segond una citacion trobada dins l'Observator Novèu dau 10 d'octobre de 2007, dirà d'èu: "Tota la vida culturala es estada transmudada per l'introduccion a l'art modèrn en America per Steichen". Ara, se Calou vou ben me recebre a son ostau parisenc, m'agradarié de descubrir la mostra dau fotograf que se troba a La Galerie Nationale du Jeu de Paume, 1 plan de la concorde, Paris-8ème. Dau 9 d'octobre au 3o de decembre. Cu me seguis?

parlar catalan es facil, benlèu pas en França...

Te cresi! S'es facil de parlar Catalan, quora fan tot per suprimir lei lengas e leis opcions dins lo segondari... Mai polit bastiment... Osca! Fraires Catalans!
A Perpinhan...

agéncia de viatge: partir vo calar?

Qué faire quora lo patron decidis de faire d'economias sus lo budgècte? E que pren per pretèxte, (a!la pardoxa), tei capitadas e tei performancias que costan trop caras a l'Agéncia de Viatge? Prene lei cops que rajan de cada costat, dei gelosias dei collègas, dei practiquas, esperar la fin de la raissa. Acabar paranoiac? Partir vo calar?

un ome de la vila de Tam

De defora: Passar de veituras en veituras, tendre la man, esperar la fin de la pluèia. De dedins: barrar la porta e lei fenestras e esperar lo fuoc verd.

veirinas de perpinhan

Le ciel est, par-dessus le toit...

Le ciel est, par-dessus le toit...

Le ciel est, par-dessus le toit,
     Si bleu, si calme !
Un arbre, par-dessus le toit,
     Berce sa palme.

Verlaine, 1881, Sagesse.

Pichota fotografia e pichot poèma dedicat a M.  de S.F.

la merlusca quau l'aima la.........

A! Lei bonei causas que se manjan en Agradà!

un panèu de la vila d'Agradà

darniera sesilha, un cop demai

Dequé vendrà après lo cinèma de barri? Surament un multiplèx. Onte lo contengut de la sesilha se troba dins lo got en carton.

darniera sesilha au cinèma de la vila de Tam

La lumière s'éteint déjà
La salle est vide à pleurer
Mon voisin détend ses bras
Il s'en va boire un café
Un vieux pleure dans un coin
Son cinéma est fermé
C'était sa dernière séquence
C'était sa dernière séance
Et le rideau sur l'écran est tombé

arquiteitura de la vila de Tam

L'ostalarié de la vila de Tam...
(c) Tam, 2007.

existissèm pas

Existissèm pas.

Coma poriá parlar ò escriure qualqu’un qu’existís pas ? Los muts an pas dreit a la paraula. A l’existéncia tanpauc.

Sèm d’enlòc. Te disi. Dins aquesta logica de la terror. D’enlòc D’un endrech qu’es totjorn de l’autre band. Lo tèxt es tèxt sens paraulas, condemnat al laberint, a l’absurd : escrich amb un goma : se trapa de lònga entre pauc e pas res, entre res e pas cap, entre nuèit e solelh profondal.

L’univers es aital : quicòm que nos escapa sens relambi, que rescontram rarament. Evasiu, contradictòri, nos nega o nos remanda un image coma la dels miralhs romputs de Magritte. Sèm vius pr’ aquò.

Incipit de Florian Vernet, Qualques nòvas d’endacòm mai, Magalàs, Montpelhièr, Tolosa, IEO, A Tots, 1976 .

Fotografia dei arenas de Barcelona per Tam. 2007

marie fouque: M.PIERCE

Clicatz sus la foto.

marie fouque: planca contacte

... e encara la generositat de Marie Fouque per LOU TAM! Osca! Osca! Osca! E gramaci per la vostra fisança, Maria!