Maquina de pan blanc. Mon retrach. M’anoncèron uèi que l'agéncia onte obre podriá perdre 25 de cents de son efectiéu l’an que ven. E mon amiga L…, qu’es de lònga positiva, d’apondre : « Sariáu tu, pensariáu a una reconversion. As manjat ton pan blanc, Tam ».
8 comentaris:
Es vertat que te revèrtas : meteis agach trufandièr, meteis sorire maliciós, duscas a la copa dels pelses, i manca pas pus que lo "duffle-coat" ...
25% de l'efectiu de las practicas o dels emplegats ?
Deis emplegats. Mai una pression messorguièra, coma cada an, per faire partir quauqueis uns e faire faire d'economias a l'entrepresa...
Veni de legir dins Aquò d'Aquí que "leis efectius de provençau dins l'academia d'Ais-Marselha son a créisser . Un quart d'escolans de mai de mai aprenon la la lenga."
Aquò's una bona novèla, non ?
Oc, es una bona novèla per lei professors de Provençau. Se podian faire parier per leis agéncias de viatge...
As pas qu'a ne crear una, d'agéncia! Seràs TU lo cap!
(Signat: Lo-qu'a-totjorn-d'idèas que-son-tras-que bonas. O encara: Iaka...)
As pas qu'a t'adobar amb los ensenhaires, banasta : e los viatges escolars , i as pensat ?!! Lor caldrà plan a un moment ensajar d'exportar lo provençal, a començar per las autras regions mens astrugas d'Occitània qu'an pas agut l'astre d'aver un Mistral-ganhant- (soi pas segura çaquelà que los ensenhaires de provençal seràn esponsorisats pel Vauzelles...)
Ja as pensat a crear una agencia de viatje especialisada dins lo torisme linguistic occitan? ;)
osca Axel! Vaqui una bona idèia! Mai es ço que fau cada jorn dins mon agéncia. Cresiéu que de militar per de viatges linguistics farié acceptar a la populacion de la vila de Tam son occitanitat. Aviéu creat un catalog en Occitan que fasié la veirina de la boita. D'artistas, de jornalistas, d'arquitectes son venguts per faire leis animacions deis Aups ai Pirenèias. E le demanda èra forta. L'es encara un pauc. Pasmens, la direccion a cambiat. E focalizan ara sus lei viatges musicaus. Sus lei piedas de Carmen vo de la Castafiora. Segur es originau. Mai l'Occitan a passat de moda. Benlèu un viatge sus lei piedas de Mirelha... L'opera, m'entende...
Publica un comentari a l'entrada