au pèu dau quieu

A un jorn proche ère blocat per una missanta nivassa. Benlèu que l'avètz ausit dire per aqui: un voucan a empoisoinat lo cèu mondiau e empacharié leis aucèus de plomb de prene l"èr... fins en Occitània. Blocat en America. I penses? Curiosa aventura que m'aurié agrada de viure tant tombère amoros de New York la cosmopolita, la negra, l'espanhola, la jusiva... Au solèu de NY la calorassa, deman, m'aurié agradat,oc, d'oblidar, dins la calorassa (27 gras), d'oblidar lo burèu e seis emplegats. A un pèu de quieu proche, sariéu un cop de mai de descubrir una dubèrtura d'esperit, una cortesia e una cool attitud que mancan a la mieuna vila. M'agradarié de tornar en Harlem per escotar lei cants deis ancians esclaus negres, drechs, e clafits de vida dins l'espiritualitat ... Heu... Evelina Dehlia, pos me mandar una niva deman per me blocar dins mon apartament? Amé mei libres, mei fotos, mei films sus New-York?