madrid 16 e dequédis

Madrid, lo 13 de febrièr.Lo Prado. Un tablèu de Goya 2 mujeres y un hombre.

... " se ha visto como un acto de onanismo del hombre". A! A! De qu'a dins lei mans l'ome que lei femnas relucan? Lo tablèu a sei secrets... Lei radiografias disian que tenié un papièr. Te cresi! MAI DEQUEDIS L'OME? Vos que siatz d'especialistas d'art, a vos d'inventar! Un paquet (es lo cas de va dire) de regardèlas de ganhar...

madrid 15

13.02. 08 - Prado -

Sabe pas s'es mon mestier de palhassa. Sabe pas s'es la chauchavièlha d'aièr de ser mai lei pinturas de nan, perdudas dins lo dedale dau Prado, m'atrivan . Esconduts a la chut chut darrier lei parets te sauton dessus coma de matagots reviscolats. Entre lo rire e l'orror. Lo monstruos es risible. Es ço que semblava de dire Baudelaire dins sei fulhetons d'Art. Per la pintura de Juan Van der Hamen y Leon que se ditz Retrato de Enano avèm un sentit estranh... Entre lo respecte dau personatge e la paur. Vaqui ço que ditz la plancarta sota lo tablèu: " Se trata problemente de uno de los bufones de la Corte..." Doncas... Es aquo ço que fasié rire au sègle 17? L'endecat? La malautié? Lo mau viure? Lo nan èra pas reconegut per la societat civila. Levat per faire rire. Lo segond tablèu representa EL BUFON. SERVIDOR DEL CARDENAL. Es un retrach de la famosa colleccion de Velasquez sus lei nans. Anave faire una blaga sus Mimi Matia, chatonetoneta de la television francèsa. Mai vos auriéu decebut tant son gost èra marrit. Puèi es facile de prene Mimi Matia per faire de galejadas sus lei nans. En França. Enfin... Aquo nos interroga sus lei limits de l'umor... O! Mela as tei limits, tu, en umor? E tu? Dona Tartina? (dona Tartina es una femna que rescontrère la setmana passada... Passava son temps de cacalassar... Era sa vida, qué... Cacalassar).

madrid 14

13 de febrier. Madrid. Ostalarié.Jornada portada per una chauchavièlha.

Ostalarié:

A l'ostalarié me prenguèt un sosc estranh. L'agéncia de Viatge barrava. Falié cambiar mei competéncias. Ere dins un ort amé ma patrona. Acompanhada per una mena de jurada. La patrona me disié que falié tornar ais estudis. Passar un concors novèu.Que rintrave pas dins lei estatistics. Que trabalhave trop coma i a 10 ans fa. Dins lo bonur e la creativitat.E qu'aquo se fasié pas. Que fasié trop d'ombra ais autres, mon obra. Sensa comptar meis oras e sensa comptar mon argènt. A! Fuguèt un matin malaisat. Fuquèt d'aquelei matin que vos vestisson de vostre marrit pantais e que ne podètz pas vos ne despegar. E lo pantalh me trevèt tota la jornada pendènt lei vesitas de la vila de Madrid. Dins un fresc madrilen que pica. E que sembla, coma un besson, au fresc parisenc. Era pas qu'un pantais. NON?
Urosament qu'anère au Prado per descubrir...

Musèu dau Prado. David Teniers, Fiesta Campèstre.

Lo Bonur en pintura. Lo Bonur es un tèma rare en pintura. Faire de farandolas es un bonur. La mema impression se trapa en co de Peter Pau Rubens: Danza de Aldeanos. " La alegria popular y la lujuria". Miam. Miam.


Musèu dau Prado. Peter Pau Rubens: Danza de aldeanos.

madrid 13

Una botiga dins una carriereta de Madrid. Una botiga especializada de FLAMENCO. E lo DVD de BEBO Y CIGALA: LAGRIMAS NEGRAS. "EU sei que vou te amar" es un moment de gràcia.

madrid 12

madrid 11

Avans d'intrar au musèu, una chorma de japonés. Ara, coma ma frasa, son blonds. Blonds coma mei clichés sus lei japonés.

madrid 10

Una leiçon de lectura... per tornar ai fondamentaus...
(c) LOU TAM 08

madrid 9

madrid 8

L'estajant coma una OBRA d'art

madrid 7

Madrid es un dessenh

madrid 6

Madrid es una vila dessenh. Dise pas una vila musèu. Non. Una vila musèu es una vila francèsa embarrada dins sei barris e sei monuments per toristas. Un vila musèu dubris en julhet e agost. Una vila musèu mata l'estajant. Una vila dessenh es una vila pantais. Acompanha ta vida vidanta quora vas obrar. E se coneisses ren a la cultura auràs de longa un Matisse, un Goya, sus la tèsta. Vaqui, Madrid, coma te vese. Siés una capitada per la cultura. E ai jamai tan marchat au mitan d'obras e de sègles tan remirables coma uèi. Gramaci, o fraire castilhan!

madrid 5

Es temps de laissar l'arquitectura de l'aeroport faire sa vida d'aeroport. Vida de quitram. Rengada e rectangulara. Singulara. Simbol d'una solesa a jamai en parténcia... Lo terrenh de joc desapareis. Amé son rebaladis de veituretas oblidadas. Aprenem a fugir lei passatges clavelats que fau de longa traucar drech. Adiéu Marsilha. Bonjorn Madrid e son cèu bordelic.

madrid 4

Creses ai paisatges. A un autre pais. Prenes, galoi lo camin deis avions per oblidar lo climat de ton pais negat. Amé la magia dau viatge que s'anoncia creses au paradis. Mai dins l'aeroport de Marsilha (li dison "Provença") es l'infèrn qu'apareis. Veses lo diable franchimand sus un ecran plan que fa de moninariés a tu, paure inocent qu'engolis una poma sota un aubre en plastic d'Eden... A! Tot aquo s'anoncia ben! Vols laissar França, mai França, ela, te laissa pas...

madrid 3

Leberon es un país verd. Leberon es la montanha, l'èr fresc, lei darniers apicultors, un endrech de pantais onte lo telefonet passa pas. Onte pòs rescontrar lei darniers locutors e faire de collectatge plan planet. Aquí la representacion de Leberon avans de partir a Marsilha... Aeroport de Provença. Dequé demòra de la nòstra civilizacion? De la publicitat, de la recuperacion e de gris. Benvenguda en França. Quant còsta la cigala made en China? Enfin... Es lo promier jorn d'un viatge a Madrid. L'agéncia de viatge vos ditz: « Benvenguda ! »

(c) Fotografias originalas dau Tam – (c) Tam, 08.

madrid 2

Arquitectura d'un aeroport made in Provença. Lo got oblidat per una viajaira preissada... que laissa a pantaiar... Quau èra... Perqué laissèt lo cafè ?.... Trop caud? Pas pron bio?... Un amoros retrobat a la lèsta qu'apareis a la veirina d'una avion?... O la fugida d'un passat vergonhos?... L'esquina virada a son passat, la femna polida laissa son café e lo negre que difusis. Lèsta a afrontar surament un avenidor promés per un novèu pais europeenc. Coma disié una cançon: " Ailleurs/ Ailleurs tu dis que c'est toujours mieux". Lo parlador anoncia son nom d'ostau. Lo pais. Espanha. La vila. Madrid. Pasmens la tornarai pas trobar dins l'avion. Auriéu degut prene aquèu cafè coma l'ultima dralha de sa preséncia en França.

madrid

(c) Fotografias originalas dau Tam – (c) Tam, 08.

Aeroport de Marsilha, and Occitània made in Japan.

faire lo clown sens L (episodi 6)

Un sordat. Un violent. Me siéu transmudat en sordat amé un casco deis obras Bouygues trapat dins una maleta a joc qu'es tombada divinament sus lo platèu. Chtak. Après la guèrra, convidère una Madama-Clown-Sens-L de montar dins ma veitura (una cadièra de cosina, una taula bassa de salon). Avèm espotit un esquirou qu'avié la forma de ma man (un gant de boxe) sus lo paraveire invesible. Se siam marridats. Avèm divorciat. E escampère lo gant de Boxe a sou. Co qu'èra una marrida causa, diguèt la Capolièra Clown:sus scèna pas de violéncia. Auriéu poscut nafrat ma partenaria. Mai perqué tant de violéncia porgis de ieu?

Ai fach la vida uèi sus lo platèu: la guèrra e l'amor.

Lo public aimèt l'impro. E la capolièra clown me demandèt s'aviéu ja fach de tiatre. Dos cops me demandèt. Sembla positiéu.

La capolièra avié pas tant capitat sa chocrota coma l'autre cop.

Lo clown a pas lo drech de se tocar lo nas. Saup pas qu'es un clown. Fa partida d'èu, lo nas. Te toques lo nas de longa dins la vida?

Lo clown a pas drech d'escampar d'objècte sus l'autre.

Lo clown potoneja a distancia. Lo raport fisic es rare.

Lo clown bacèla a distancia.

Lo clown s'engana sus scèna. Son trauc de memoria pou èstre un procedit comic.

Lo clown agacha lo public. Dins leis uelhs. Contrarament au tiatre que regardes sus una rega d'orizon.

Lo clown es pas un timid. Es un generos. Dèu de longa agachar son partenari dins leis uelhs per saupre prepausar e comprene ço que li prepausa l'autre.

Lo clown dèu jamai prevèire ço que se debana sus lo platèu. Es un instinctiéu. Dèu semblar de longa susprés.

Li avié pas plus de nas de clown a la Fnac. Me fau comandar mon nas per internet. Question: Combien je chausse en clown?

Mon clown, uèi, se disié GNA.

A la debuta, lo clown parla coma un nene. Co que li passa lèu, ço diguèt la Capolièra, au flor e a mesura que comprenes ton personatge. Amé la masca dau clown, as tendéncia de parlar coma un nene. N'i a que parlèron de sa maire sus lo platèu. MDR! Es la clown terapia!

déquédis, problèma N°4: Mai de qué ditz ROBERT?

Fau-ti rampelar la consinha? Fau trobar ço que ditz Robèrt! A la vostra imaginacion e longa mai!

OSCO MANOSCO: ES LA MELO QU'A GAGNA!

I sian (à Galissian). Es la MELO que gagnè lou prèmi pèr lou DEQUEDIS N 3. OSCO MELO ! OSCO MANOSCO! Lis as touti manja aquèste cop! Auras ti regardèlo dins lou mes qu'arrivo ! Agacho! Co qu'as gagna es dins la sièto! GRAMACI MOUN TAM!

colère

ALORS QUE NOS INSTITUTIONS, NOS CULTURES, NOTRE ECOLE, NOTRE LAICITE, notre système de santé sont EN DANGER, que NOS VALEURS REPUBlicAINES sont détruites MANGEES PAR L'economie du marché. Que les défenseurs de la fonction publique, riches d'une certaine éthique nationale sont menacés, angoissés par les réformes, le manque de budget, la concurrence, et les mutations injustes, de quoi parle-t-on? D'un mariage.

faire lo clown sens L (episodi 5)

Es una pichota femna. La capoliera clown. Tota rossèla. Tota pichoneta. Que t'agacha amé l'agach precios dei comedians: Un agach intelligènt, sople, concentrat, que cerca lo mot precis. Un agach que cerca la gèsta preciza. Una intelligéncia dau cos. Una intelligéncia que me manquèt dempuèi l'an pèbre. Quora rintres sus lo platèu, delimitat per un fiéu, dins ton vestit de palhassa, la capolièra Clown te respecta: te ditz Monsur vo Madama, que jamai degun te parla pas plus coma aquo dins la vida. As un nas roge. De bralhas largas. Un tricot jaune e regat d'abelha. Una casquèta de Gavroche. Penses a Buster Keaton. E siés ja un autre. La capoliera clown faguèt naisser, de sa fisança, un bèu personatge. Un ravi de belèm, content de descubrir lo monde coma un nene. Qu'aima la vida. Lo lume dau projector lo pivela. Lo decor de la vila quilhat sus la scèna lo pivela. A enveja de lo tocar, lo calinhar, tot es pivelant, tot l'estracina. Car mon autre clown, que descubre d'un cop, es un sensuau! Ma fista! Un enfant sensuau! Vei lo public. A enveja de lo tocar, de lo prene dins sei braç. Aima tocar lo platèu, bracejar lo decor, seguir lo fiéu dei projectors amé sei detons. Mercés a la Capolièra. Una pichota granda femnda qu'a una capeladura fantastica. Que comprene pas coma se fa un chocrota coma aquo. Amé de barretas? Lo mistèri de la femna clown.

Le Chien Andalou, de Bunuel

Sus mon Blog, se clicatz sus la barra dei videos aconsacrada a Dali, podètz descubrir uèi la promièra partida dau film de Bunuel: Un chien Andalou.

Faire lo Clown, sens L, episodi 4: promier sentit

L'estage comença dins quauqueis oras. Siéu au mieu. Lo silènci de l'apart. Lei talons dei gents preissats dins lo corredor m'enfadan. La vida de defora e dedins se quicha sus ma paur. Lo solèu d'ivèrn es un astre penos que s'amossa, cremant, dins mon ventre. La paur ven dau ventre. Surament l'efiech de trop de cafeina. E aquèu biais borgés, que m'es propre, de totjorn abrivar amé una anticipacion aguda ço que va m'arribar. Pas trobar la rota, pas saupre parlar amé lei gents nous que vau rescontrar, pas saupre, pas coneisser, pas comprene leis exercicis. Pas èstre lo melhor, tanben. E la paur de se decebre encara. Ai cabussat de longueis oras dins mon banh en legissènt de jornaus politizats. Sabe pas perqué, fa quatre ans, la preséncia de l'aiga rassegura de longa mei nèrvis. Mai cambia pas la premsa tristassa!. Lo banh me rassegura e me crèba. Per mielhs rebombir dins la vida publica. Lo banh es un ventre. Es pas un ventre ecologist, mai es un ventre. L'aiga rintra dins meis aurilhas. Me tampan l'ausida. Ai de taps. De taps contra lo bruch dau defora. Rai. Ai pagat. Fau i anar. D'annadas que me refuse de faire de tiatre. Lei companhs me dison qu'ai pas besonh d'aprene lo mestièr de palhassa. Que lo siéu adejà dins la vida vidanta. Responde: Lo cors sarà mon iogà, mon cors de Tennis, mon dimècres a la piscina, mon activitat. E de se destacar d'aquèu mestièr perilhos me toca a cor. Lo cors sarà lo bonur de se retrobar. Benlèu. Mai se capite pas? Dins la vila de Tam, ai de mau de sortir per crompar lo pan. Perque la vila de Tam me rampèla trop lo trabalh, lei collègas de trabalh, la masca que porte au trabalh, lei praticas clientelistas e lei patronas tibadas per lei mancas de mejans dau monde dau trabalh en crisi. Ai de mau de rescontrar lo monde dau defora. Pasmens siéu un ome de la nuech et de la fèsta. M'agradan lei gents, lo rire e lei plasers. Mai lo jorn, siéu un dacos tamtanesc dins un banh vo dins un burèu. Subrevièure en plen jorn, coma la ratapenada perduda. Lo solèu de mon ventre crema encara. Me faudrà de vam. Un acte de coratge e d'eroisme per se. Per lo promier cop, amé la peta au ventre, dempuèi quatre ans, bessai que sortirai de ieu. E fa paur. Dins quatre oras, se levaràn lei ridèus de la pista dau circ. Lo tigre de mon ventre es encara dins sa gabia.

l'art de mon blog

La Mela me mandèt aquo. Responde.

1 . Quant de temps portes com a blocaire?
A vostre avejaire?...Chifras... matematicas... Sciéncias exactes... Tot aquo m'escapa... Quau me dirà la data d'espelida dau Tam? ... Manleva bessai a un viatge a Paris en co de Calou... Aquo fa dos ans?...


2. Com vas saber l'existència dels blogs?
Per la Mela. Sus MSN.

3. Digues 5 blogs que segueixes diàriament.
Lo de Mela, lo de K (que, de longa, torna faire son acamp per Nové e son acamp amé sei collègas. Es coma un tablèu de Vialat: lo concept de la repeticion), lo blog de ma banca (mdr) ( qu'a tanben lo sindrome de la repeticion)....


4. Ets lector anònim d'algun bloc?

Oc.

5. Alguns autors que et generin especial simpatia.
Lo Peiroton, Lo Quequejaire, La Mela, La Jefa e sa collèga Pomponeta, e totei lei gents que m'espaton: leis anonims, lei ponctuaus, lei curios, lei un-cop-me-tomba-un-uèlh, leis argentins, lei franchimands e toteis leis artistas que capite de monstrar sus ma tèla e que me permeton de parlar d'art...


6. Amb quins 5 blocaires aniries de marxa?
Sai pas.

7. Amb quins 3 blocaires passaries una nit de bogeria sexual?
Sabe pas quau s'escond darrier lo clavièr Azerty... Mandatz fotografias puèi farem una partida... Siéu per partejar leis emocions blogescas... I want your blog.... I want your know... Diguidigui come on!

8. T'has enamorat mai d'algun blocaire?
E ta mameta?

9. Estàs satisfet amb el teu bloc?
Ai de marridei passas... Cresiéu reviscolar l'art e l'expression occitana amé lo mieu blog... MDR!... Ara parle dau clown que dormis en ieu.... Abans aviéu enveja de parlar de longa de la vila de Tam per desnonciar la vida politica d'aqui... Puèi de faire un blog de fotos en negre e blanc... Ara, i a tot aquo aqui dedins... Es complicat mon blog... Es ieu!


10. Escull entre 3 i 5 blocaires per a què facin aquest meme.
La k! La K! La K!

Deman, promièreis alas per lo clown, episodi 3

Deman promier cors de clown sens L. Ai ja mancat lo promier que la capolièra clown perdeguèt mon bon de participacion e mon numèro de telefonet per confirmar la data. Es deman, es a 17 h30. Dins la vila d'Agradà. Ara siéu estressat que sembla complicat lo luoc sus la mapa. Partirai a 8 oras dau matin. Per me pas trompar. E per arribar d'ora.

Au fach, m'avian convidat per un acamp traç qu'important a l'agéncia de viatge. Diguère de non. Lo dijous, fau lo clown sens L. E lo trabalh, non, es pas sempre la vida!

PS: Non, mela, brande pas pas ren. Mai ère en conflicte existenciau amé mon Tam interior.

Lo Cor de la Plana en Arle

En Arle, Lo Cor de la Plana presentèt un projècte de "residéncia" per lei SUDS EN ARLE, per l'estiéu 2008. La presentacion èra au musèu d'ARTLE ANTIC. Era ben. Era una tantossada presentada per JAUME MAIGNE, lo que faguèt lo bèu GEO sus l'Occitània. An ben cantat. An difusit lo messatge que falié faire de colectatge tre ara amé lei darniers parlaires que coneissèm. Anem lei gents! A l'obra! Se lei lectors dau TAM an ja fach de colectatge, podon me dire coma fan? Amé quineis aisinas? Quineis aisinas crompar? Lei tecnicas dau montatge? La presentacion? Coma conèisser e aprochar lei gents? E tot aquo? Es una experiéncia que m'agradarié de faire. GRAMACI!

« Du chant traditionnel ? Sans doute, mais franchement davantage. Des chants à danser qui emportent dans une transe souriante, triomphent de tous les blocages corporels ou mentaux. Des ritournelles viriles, pétillantes d'une fraîcheur mutine. Les six lascars de ce choeur d'hommes du quartier de La Plaine, à Marseille, donnent une élasticité salutaire à l'idée de tradition. Ils revisitent le patrimoine populaire occitan, le recréent en y inventant la polyphonie et transgressent l'idée que l'on pourrait s'en faire, lui injectant swing, groove et bonne humeur dissipée. Ils s'accompagnent de battements de mains et de pieds, de bendirs et autres peaux, invitent à l'occasion des amis, dont la fanfare Auprès de ma blonde ou l'ensemble algérien El Hilal. »
Patrick Labesse dans LE MONDE

déquédis, problèma N°1

Tiens ce serait pas une apparition de la vierge?

Gramaci a Pomponeta qu'a trobat aquela granda frasa, que comptarà dins l'istoria Tamtanesca! E osca per sa creativitat. A donc ganhat de regardèlas. Lo merites, bèn. A lèu per un Déquédis, n°2!