Le réveil, tiatre engatjat, poesia dançada

Lo Komedian signa una mesa-en-scena en Avinhon (França). Coma siáu fan dau Komedian, fau passar l’info. S’agís dau Reveil . L’istòria d’una femna malauta qu’assaja de se tornar inventar. Lo Komedian quora trabalhava sus lo projècte n’èra traç que fier. Alòr fau passar.

Avinhon dau 17 fins au 22 de julhet de 2012 (França, dins l’encastre dau Festenau Off d’Avinhon). Studio Théâtre. Avignon en temps danse. Companhiá Trésors de Sophie. 13o05. Durada : una ora cinquanta.

Mai d’entresinhas en clicar aicí : http://www.avignonleoff.com/programme/2012/horaires/13h50/spectacle/le_reveil_9044/lieu/studio_theatre_avignon_temps_danse_1048/

Compagnie Trésors de Sophie

Actritz: Karinne Grenier
Escritura : Karinne Grenier et Za.nu pour les deux poèmes
Mesa en scena : Lo Komedian
Coregrafia de la poèsia : Stéphanie Bourgeois
Agachs: Laura Herts

Tam a la tv de Barcelona!

Lo còp passat es la television de Barcelona que m'escriguèt. « Soi Ferriòl Macip e me n'aucupi de l'Infòc, l'informatiu cultural occitan de Barcelona TV. »

Me diguère qué ? quoi ? what ? Siáu convidat per charrar dau Tam dins una emission catalana ?

Lèu au perruquier ! A la teletaira ! Au SPA ! Me faire un masca ! Me barbejar ! Tornar prene l’espòrt meme se n’ai pas jamai fach ! Reservar la bilheta de trin, lo fèrri, l’avion, la fusada per jónher lei emponts de la celebritat per mei Ramblàs tant aimadas ! Tòrne legir lo messatge.

Contunha : « Per çò que legissi dins ton blòg siás un artista occitan en Barcelona. S'es aital, sèm plan interessats a t'entrevistar per l'Infòc. »

Mon esperit narcissic, coma un marrit escolan, legís pas ben la consinha. Ma testa confla coma una cogorda : « siás un artista … »… rhaaaaaaaa ! lovely !... Ma maire aviá doncas rason ! Saute lo mitan de la frasa per focalizar (zom grand) sus : « sèm plan interessats a t’entrevistar per l’Infòc ». Rhaaaaaaaaaa ! lovely ! (dos) (sega ! sega ! sega es mai fòrt que tu). Vau faire de la tv en Catalohna ! Lei Francés an pas comprés mon geni ! Adieu Venisa provençala !

Alòr que fau ? Responde pardina ! « Adieu vene de recaupre lo vòstre mail uei. Siáu d acòrd per obrar amé vos. Vaquí mon mail onte podèm charrar mai aisidament ……@.....com ». E Ferriòl Macip me balha un rdv : « Per ieu seriá plan de vos telefonar diluns o dimècres quand serai a la telé. Aital podrem trobar una data que siá plan per vos, per ieu e pels tecnicians. »

Qué ? Diluns ? Dimarç ? Mai òbre dins l’Agéncia de Viatge, ieu ! Ma Patrona Arpiana me voudrà pas jamai me desliurar de mei cadenas! Alòr tòrne legir lo messatge, triste : « siás un artista occitan en Barcelona ».

Ben non. Pecaire. Siáu un blogaire occitan dins la vila de Tam. Un franchimand occitan. Aicí tomba lo coparet : « Ieu pensavi que que demoravas a Barcelona, es la sensacion que me balhèt lo tieu blòg. Alavetz serà mai complicat. Amistats. Ferriòl ». Lo rasteu de ma vida.

Se Tam a pas encara fach sei malas per Barcelona, vos conselha amé amistat d’agachar BARCELONA TV!

http://www.btv.cat/

Tam, eu, contunha son omenatge a Barcelona dins lei posts que seguisson amé lo tèxt d'un collega e un fum de suspresas! De seguir... Me vau faire speakeur un jorn, lo speakeur es lo masculin de speakrina. E aki una musiqueta per esperar la seguida. Interlud.

Dins l'oasis d'In Salah

I

Dins l’oasis d’In Salah

Regnava

Un poderós joine.

De sa cosina Sarah

Tombèt

Amorós greu !

« Sarah polida Sarah !

Gazela !

O ! Chata de l’auba !

Chata de l’oncle Abdulhah !

Cofret

De perlas de meu !

Quand la frescor tombarà

Gazela,

Resquilha en ma cambra

A l’ombra de l’Abdulhah

En secret,

Avans lo soleu ! »

Sarah que coneissiá pas

Lo pecat,

La michor dei cambras,

Lei bregas e lo got salat,

La sabor

Dau gost de la peu,

Acceptèt l’autoritat,

Lo mercat

Dau cosin robuste.

Oc! La doça autoritat

Lo sovet

Dau capriciós rei !

Penchinèt, en capelar

De teissuts,

Sei peus de sauvatja.

Descorèt sei dos braç.

De braçalets

Sertits de soleus .

Pinturlèt, en gredant,

De negre,

Sei bregas amaras.

Dessenhèt sus son còu

De colliers

De jais au pinceu.

E sortiguèt en risènt

Pensant

A son alabastre

A son peu, a sei peus,

A l’aspect

De son còs noveu.

Dans l’oasis d’In Salah

Régnait

Un puissant jeune.

De sa cousine Sarah

Tomba

Amoureux grave !

« Sarah ! Jolie Sarah

Gazelle !

O ! Fille de l’aube !

Fille de l’oncle Abdulhah !

Coffret

De perles de miel !

Quand la fraîcheur tombera

Gazelle,

Glisse en ma chambre

A l’ombre d’Abdulhah

En secret,

Avant le soleil ! »

Sarah qui ne connaissait pas

Le pêché,

La moiteur des chambres,

Les lèvres et le goût salé,

La saveur,

Du goût de la peau,

Accepta l’autorité,

Le marché

Du cousin robuste.

Oui ! La douce autorité

Le souhait

Du roi capricieux !

Elle peigna, en couvrant

De tissus,

Ses cheveux de sauvage.

Décora ses deux bras.

De bracelets

Sertis de soleils.

Elle peignit, en crayonnant,

De noir,

Ses lèvres amères.

Elle dessina sur son cou

Des colliers

De jais au pinceau.

Et elle sortit

En riant

Pensant

A son albâtre

A ses cheveux, à ses poils,

A l’aspect

De son corps nouveau.

lo cambiament es ara!

Anarai pas a Mitilena

Se lo parasolèu fa lo morre, es qu'anarai pas a Mitilena aquest an. Lo cambiament es ara!

gents d'Istanbul

Folards de colors, gents preissats, proche dau Bosfor, entre Orient e Occident, una plaça d'Istanbul.

Onte dormir a Barcelona?

Lei veiraus de la cambra cabussan sus una terrassa bèla.
Fotografias fachas amé un IPAD2 per Tam.

Dormir au BCN Fashion House

http://www.bcnfashionhouse.com/fra/

Gazpacho

Vene d'acabar mon promier gazpacho. E ben te vau dire: es con coma recepta.
E coma dins totei lei manjars per lei paures, pos mesclar totei tei sobras: marcha!

Vas a Rodés? que me ditz

Aquest an, Tam sarà a Rodés e tu?

equilibrista 2

Per Willem, L'oeil de Willem, in Liberation, França, Paris, dimecres 27 de junh de 2012.

C... coma clavelet

Siam anats a Peccais, mon camin d'aiga preferit. Viram d'oradas entre robinas e paluns dins lo cristau dei flors de sau. Prenèm lei camins enebits e esconduts. Quora siam arrestats per d'erbassas nautas nautas. Lo Paire ditz: « arrestem nos. Lei clavelets creban lei gòmas dei ròdas ». Qu'es aquò un davelet? « Un clavelet, çò ditz, es una floreta ponchuda. Ven dau mòt clavèu e sabe pas çò que fa en francés ». Pasmens, me dise que i a de flors poderosas e camarguencas que te pòdon tugar un Mountain Bike.

Fiertà de Nissa per Sfar.

http://www.telerama.fr/journal-de-merde-par-joann-sfar/
Sorga: Telerama, 2012.

equilibrista

Futre negre fin, dessenh fach per Tam, lo 14 de novembre de 1998 au verso du reuèlh dau programa: "Tradition et innovation au XIXè siècle: littérature, art, philosophie".

palhassa

Palhassa per Tam- Pincèu sus carton Canson - Pas de data.

NON? VOS?

Dessenh dau Matthieup. 1990.


Bic Negre sus "Libre de brolhon".