Data de sortida : 09 de febrièr de 2000 - Realizat per Tim Burton - Amé Johnny Depp, Christina Ricci, Christopher Walken - Film alemand e american - Titol originau : Sleepy Hollow - Distribuit per Pathé Distribution -Lo passèron aqueste matin sus TPS. Un bon e grand filme. Que nos fa cabussar dins lo cinèma expressioniste d'a passat-temps. Me regale dau joc dau Johnny Depp que joga come leis actors dau cinèma mut. Sensa parlar de l'estetica dau Burton. Anem! Anan faire lo provençalista de service. Vos vau contar un remembre d'enfancia! Alucatz lei candelas, assetatz vos, escotatz, vau repapiar... Un jorn qu'ère au cinèma de mon vilatge, eriam pas que dos, rescontrère una amiga d'enfancia venguda gotica (trop polida la galineta amé son pèu negre e sei bregas violetas). Era la projeccion de Sleepy Hollow. Li aviéu demandat perqué venié veire lei filmes de Burton. E me diguèt qu'èra per veire d'imatges....
Cap comentari:
Publica un comentari a l'entrada