Maureen, èla, sabia pas coma sa familha de lops èra venguda a NY. Contrarament au lobatàs, avia gaire viajat. Amorosa de sa ciutat regachava passar lo temps, dins lei jardins esconduts dei carrièras Alfabet (restava carrièra A). Sabia que son paire ié avia dich: gardaràs lo jardin de la carrièra Alfabet. Coma mon paire l'a fach. Coma ton papet l'a fach. Coma teis avis l'an fach. Sens soscar de trop, avia seguit lei consèus. Aquo li assegurava lo manjar, lo dormir. Una obra de nuech. Per susvelhar lei plantas e leis aubres. Aluenhar lei marginaus. E subreviure, un pauc.
(de seguir)
Cap comentari:
Publica un comentari a l'entrada