Footlights (Lei
lumes de la rampa) es la sola ficcion escricha de Charlie Chaplin; la
nòva qu’inspirèt lo mèstre per lo film eponim. La vaqui dins un libre omenatge. Mestreja la narracion
Chaplin coma lo podiá faire per la musica, la produccion ò lo jòc d’actor. Es
impressionant. La soscadissa sus lo rire e lo mestier de faire rire demòra d’actualitat.
Lo libre bèu es seguit d’una explica dau film e dau percors dau grand òme dins
lei mestiers dau circ e dau music-hall. La problematica estènt : podèm
restar artista sa vida tota ? Intelligéncia e filosofia sus l’Art. De
crompar d’urgéncia.
Revirat per Marie-Mathilde Burdeau
Data de parucion 02/10/2014
256 pages - 29.00 € TTC
 |
Dessenh originau dau Tam, 2015. |
 |
| D'après una fotografia de Chaplin, jove. Dessenh originau dau Tam. 2015. |
Dança dança pichon monde
Per Liza, paraulas de Matthieu Poitavin
D'ausir dins :
Coma ma vida
E un balon
Dança Dança
Pichon Monde
E te la petes pas
Coma Mistral
Au museon
Dança Dança
Pichon monde
E te la petes pas
Dança, pichon monde
Dança dança
Mon pichon
Coma Molière
O coma un clown
Dança dança
Pichon monde
E te la petes pas
Coma Shakespeare
Love’s labour lost
Dança dança
Pichon monde
E te la petes pas
Mona Lisa
Au museon
Dança dança
Pichon monde
E te la petes pas
Un jorn o l’autre
Es lo grand boum
Dança dança
Pichon monde
E te la petaràs
Aquí sota:
Estatua de Chaplin a Belfast. Davant lo musèu consacrat au Titanic. Doas legendas, dos mites. Fotografia originala dau Tam. Julhet de 2015.
2 comentaris:
òc ! òc ! òc ! tres còps òc. nos mancava aquesta intelligencia artistica en defòra dels cèrcles. visca l'equilibrisme. e zo.
gramaci!
Publica un comentari a l'entrada