madrid 18

Sota lo cèu de Madrid, leis estatuas jogan...

LI A QUAUCARÈN QUE M’A FA PÒU

LI A QUAUCARÈN QUE M’A FA PÒU

Li a quaucarèn que m’a fa pòu
Dóu long de la carrièro,
Que tirassavo pèr lou sòu
Un tros de sarpeliero.

Mi siéu pres gardo quatecant
Qu’èro uno vièio femo
Pu longo q’un grand jour sèns pan
Pu maigro que Caremo.

Em’uno daio entre sei man,
Se fasié faire plaço,
Lorsqu’un poulit pichot enfant
Li vèn douna la casso.

Em’ dous gros bastoun en crous
Li fretavo l’esquino
En li disant : » retiras-vous,
Gros aucèu de rapino ! »

Ero laido coum’un pecat,
La vièio desdentado :
E l’avié lei dous uei trauca,
E la tèsto pelado.

Avié tout lou vèntre cura,
Semblavo un brusc d’abiho :
E sai pas qu l’avié gara
Lou nas e leis auriho.

Sei man, sei pèd fasien esfrai,
E sei gambo d’aragno,
Que servirien, au mes de mai,
Pèr espóussa l’eigagno.

Vous dirai bèn quand a de tèms
Car ai soun batistèri :
Ame mai vous dire lou sèns
De tout aquèu grand mistèri.

Dins lou jas aquel enfant dor
Sus de paio pourrido
Es èu que vèn cassa la mort
Pèr nous douna la vido

Diga papà, de qu'es aquo un espectacle?

Davans la pauretat d'una societat vo d'una vila extrema la promièra victima es la cultura. La cultura de la vila de Tam, vos l'aviéu ja dich, es facha per lei vielhs. De Marta Mercadier fins a Rosy Varta, vese pas coma la vila de Tam podrié interessar la ciéutat. Aquela qu'es esconduda darrier lo decor de vila propret e ipocrit, facha per lei comerçants. Preniéu lo cafè davans la comuna de la vila. En esperar la dubertura de l'agéncia de viatge quora passèt un ome grand e sa chatoneta. La pichota se rebalava per anar pas a l'escola. Trainava lei pès. "Anem! ço diguèt lo paire, abriva-te, se que nos lei gents te van regardar passar e va venir un espectacle". E la pichota de respondre: " Diga papà, de qu'es aquo un espectacle?"

te dison libertat

Lili Calamboula amé Aurèlia Lisoie

Texte et mise en scène Gérard Gelas
Avec Aurélia Lisoie

http://www.madeinavignon.com/blog/index.php/a/2008/03/12/lili_calamboula_chene_noir

Pour plus d’informations et découvrir les premières photos du spectacle : http://www.chenenoir.fr/


Vendredi 14 et Samedi 15 Mars à 20h
Dimanche 16 Mars à 16h


Billetterie exceptionnellement ouverte samedi 15 mars de 15h à 18h.


Théâtre du Chêne Noir
8 bis, rue Sainte-Catherine Avignon
Abonnements et Locations : 04 90 82 40 57 Adm : 04 90 86 58 11

A ço que comprene Aurèlia es pas solament actritz au Théâtre du Chêne Noir. S'entrava puslèu de l'administracion vo de l'esctructura. Vo dau Secretariat benlèu... Mai quora Aurèlia te dubris la porta au Théâtre du Chêne Noir en Avihnon ço que t'espanta es la beutat e la douçor de sa voés. Vengueriam amé un grop per la representacion de Mirèio en 2OO5 me crese. L'espectacle m'agradèt, segur! Pasmens a l'agéncia de viatge coma siéu a organizar lei rescontres amé mei viatjaires (venian dau Maroc, aquèste cop) ère de longa en relacion amé l'actitz (Siéu coma lo Manokian de la Nouvelle Star: quora me parlatz de cantaira, actritz siéu pivelat, estrambordat e sabe pas qué... trobe pas lei mots... la femna artista aquo's quauquaren! ). Amè l'Aurèlia cada cop èra un plaser de discutir dau prètz dau rescontre, de l'adobament de la jornada... E... aquela voés! Putan! Aquela voés! I a un briéu que pantalhe de la veire jogar sus scèna. E me pense que sarà un moment grand de tiatre. A una preséncia unenca. Facha de doçor, d'una femenitat forta. Malastrosament en causa d'un acamp d'administracion a l'agéncia de viatge (quina resctruccion budgetaria van-ti nos anonciar aquèste cop?) podrai pas me rendre an aquela representacion. Se quauqu'un me pou entresinhar. Sabe qu'Aurèlia organiza d'estages de tiatre. Quora sarai vengut un vertadier palhassa, a la fins de mon estage de Clown sens L, m'entresinharai. E escondut darrier lo masc de mon nas roge, escotarai pas lei consinhas deis exercicis de la regenta, mai sa voés... Putan! Sa voés!

madrid 9

13.02.08. Musèu dau Prado.
Davans un tablèu note aquela frasa digna d'un istrion de l'art: Lei raubas blancas de Goya son lei raubas blancas de Chantal Goya.

faire lo clown sens L, 8

" Pour trouver son clown, il faut rechercher ses faiblesses essentielles, les reconnaître, les faire ressentir, les afficher, s’en moquer publiquement…

et incidemment faire rire les autres. "
Jacques Lecoq

Le téléphone sonne ce soir sur France Inter. 19h20. Spécial Langues de France.

le téléphone sonne

France inter de 19h 20 à 20h

est consacré aux

Langues de France

Per daissar messatges e/o participar a l'emission:
http://www.radiofrance.fr/franceinter/em/letelephonesonne/contact.php

faire lo clown sens L, 7

1. Trobère aquela frasa sus un blog que parla d'una femna Anabèla, que fa la palhassa dins leis espitaus. Aquela frasa correspond a ma definicion dau Clown:

"J’ai aussi pensé aux pièces de théâtre de Shakespeare et à l’histoire des clowns et des “fous” qui pouvaient parler à n’importe qui sur n’importe quel sujet, tant leur manque présumé d’importance et de responsabilité, aussi bien que leur courage et leur adresse, les mettait à l’écart du reste de la vie quotidienne."

2. Mentre que parlave a una collèga de ma fiertat d'èstre Clown (e non pas de faire lo Clown, aquo's different), faguèt la beba e diguèt:" A! Oc! Surament que dèu èstre mestier de faire rire." Lo rire per ela, se vesié, avié ges de noblèssa. Mai s'avisié pas que lo clown s'acontenta pas de faire rire. ES.

3. Aquèu sentit de fiertat. Justament. Estre Clown, coma ensenhar l'Occitan, sens dobte, es una fiertat per aquelei que practiquan. De defora, per lei gents pas entresinhats, aquo sembla a un baujum. Quora leis estagiaris palhassas son arribadas au cors de tiatre, lo cop passat, èran tristes: Quora parlan de l'activitat tiatrala que practican a seis proches, lei gents mespreson l'estatut qu'an pendent aquel estagi. E meis amicgas palhassas me diguèron totei (trabalhan totei dins de sectors differents de la vida vidanta) que practicar aquela activitat fasié vergonha dins l'encastre dau trabalh. A! E! Oc! Dins la nostra societat trobar la finèssa dau rire es una empacha. Es pas una quista de se. Auriam degut causir Tennis vo Golf. E lei professors d'Occitan devrian ensinhar lei fondamentaus. Alara... Benlèu que.... Sarié mai nobla, la nostra activitat.

madrid 17

13 de febrier. Ostalarié. Vos aviéu pas parlat d'un pantais que m'avié trevat tota la jornada ? Vaqui sa B.O que porgis de mon lector portable de DVD... A! Lo lector portable DVD! Quora siéu en viatge aquela aisina remirabla permet de me pausar abans de tornar prene mei longuei nuechs de fèstas.. Programa: Musica entre 17 oras e 19 oras.Ostalarié de western. Siéu sus mon liech... Ronque en musica per sortir mai tard... Pantaiar mai per viure mai...

madrid 16 e dequédis

Madrid, lo 13 de febrièr.Lo Prado. Un tablèu de Goya 2 mujeres y un hombre.

... " se ha visto como un acto de onanismo del hombre". A! A! De qu'a dins lei mans l'ome que lei femnas relucan? Lo tablèu a sei secrets... Lei radiografias disian que tenié un papièr. Te cresi! MAI DEQUEDIS L'OME? Vos que siatz d'especialistas d'art, a vos d'inventar! Un paquet (es lo cas de va dire) de regardèlas de ganhar...

madrid 15

13.02. 08 - Prado -

Sabe pas s'es mon mestier de palhassa. Sabe pas s'es la chauchavièlha d'aièr de ser mai lei pinturas de nan, perdudas dins lo dedale dau Prado, m'atrivan . Esconduts a la chut chut darrier lei parets te sauton dessus coma de matagots reviscolats. Entre lo rire e l'orror. Lo monstruos es risible. Es ço que semblava de dire Baudelaire dins sei fulhetons d'Art. Per la pintura de Juan Van der Hamen y Leon que se ditz Retrato de Enano avèm un sentit estranh... Entre lo respecte dau personatge e la paur. Vaqui ço que ditz la plancarta sota lo tablèu: " Se trata problemente de uno de los bufones de la Corte..." Doncas... Es aquo ço que fasié rire au sègle 17? L'endecat? La malautié? Lo mau viure? Lo nan èra pas reconegut per la societat civila. Levat per faire rire. Lo segond tablèu representa EL BUFON. SERVIDOR DEL CARDENAL. Es un retrach de la famosa colleccion de Velasquez sus lei nans. Anave faire una blaga sus Mimi Matia, chatonetoneta de la television francèsa. Mai vos auriéu decebut tant son gost èra marrit. Puèi es facile de prene Mimi Matia per faire de galejadas sus lei nans. En França. Enfin... Aquo nos interroga sus lei limits de l'umor... O! Mela as tei limits, tu, en umor? E tu? Dona Tartina? (dona Tartina es una femna que rescontrère la setmana passada... Passava son temps de cacalassar... Era sa vida, qué... Cacalassar).

madrid 14

13 de febrier. Madrid. Ostalarié.Jornada portada per una chauchavièlha.

Ostalarié:

A l'ostalarié me prenguèt un sosc estranh. L'agéncia de Viatge barrava. Falié cambiar mei competéncias. Ere dins un ort amé ma patrona. Acompanhada per una mena de jurada. La patrona me disié que falié tornar ais estudis. Passar un concors novèu.Que rintrave pas dins lei estatistics. Que trabalhave trop coma i a 10 ans fa. Dins lo bonur e la creativitat.E qu'aquo se fasié pas. Que fasié trop d'ombra ais autres, mon obra. Sensa comptar meis oras e sensa comptar mon argènt. A! Fuguèt un matin malaisat. Fuquèt d'aquelei matin que vos vestisson de vostre marrit pantais e que ne podètz pas vos ne despegar. E lo pantalh me trevèt tota la jornada pendènt lei vesitas de la vila de Madrid. Dins un fresc madrilen que pica. E que sembla, coma un besson, au fresc parisenc. Era pas qu'un pantais. NON?
Urosament qu'anère au Prado per descubrir...

Musèu dau Prado. David Teniers, Fiesta Campèstre.

Lo Bonur en pintura. Lo Bonur es un tèma rare en pintura. Faire de farandolas es un bonur. La mema impression se trapa en co de Peter Pau Rubens: Danza de Aldeanos. " La alegria popular y la lujuria". Miam. Miam.


Musèu dau Prado. Peter Pau Rubens: Danza de aldeanos.

madrid 13

Una botiga dins una carriereta de Madrid. Una botiga especializada de FLAMENCO. E lo DVD de BEBO Y CIGALA: LAGRIMAS NEGRAS. "EU sei que vou te amar" es un moment de gràcia.

madrid 12

madrid 11

Avans d'intrar au musèu, una chorma de japonés. Ara, coma ma frasa, son blonds. Blonds coma mei clichés sus lei japonés.

madrid 10

Una leiçon de lectura... per tornar ai fondamentaus...
(c) LOU TAM 08

madrid 9

madrid 8

L'estajant coma una OBRA d'art

madrid 7

Madrid es un dessenh

madrid 6

Madrid es una vila dessenh. Dise pas una vila musèu. Non. Una vila musèu es una vila francèsa embarrada dins sei barris e sei monuments per toristas. Un vila musèu dubris en julhet e agost. Una vila musèu mata l'estajant. Una vila dessenh es una vila pantais. Acompanha ta vida vidanta quora vas obrar. E se coneisses ren a la cultura auràs de longa un Matisse, un Goya, sus la tèsta. Vaqui, Madrid, coma te vese. Siés una capitada per la cultura. E ai jamai tan marchat au mitan d'obras e de sègles tan remirables coma uèi. Gramaci, o fraire castilhan!

madrid 5

Es temps de laissar l'arquitectura de l'aeroport faire sa vida d'aeroport. Vida de quitram. Rengada e rectangulara. Singulara. Simbol d'una solesa a jamai en parténcia... Lo terrenh de joc desapareis. Amé son rebaladis de veituretas oblidadas. Aprenem a fugir lei passatges clavelats que fau de longa traucar drech. Adiéu Marsilha. Bonjorn Madrid e son cèu bordelic.

madrid 4

Creses ai paisatges. A un autre pais. Prenes, galoi lo camin deis avions per oblidar lo climat de ton pais negat. Amé la magia dau viatge que s'anoncia creses au paradis. Mai dins l'aeroport de Marsilha (li dison "Provença") es l'infèrn qu'apareis. Veses lo diable franchimand sus un ecran plan que fa de moninariés a tu, paure inocent qu'engolis una poma sota un aubre en plastic d'Eden... A! Tot aquo s'anoncia ben! Vols laissar França, mai França, ela, te laissa pas...

madrid 3

Leberon es un país verd. Leberon es la montanha, l'èr fresc, lei darniers apicultors, un endrech de pantais onte lo telefonet passa pas. Onte pòs rescontrar lei darniers locutors e faire de collectatge plan planet. Aquí la representacion de Leberon avans de partir a Marsilha... Aeroport de Provença. Dequé demòra de la nòstra civilizacion? De la publicitat, de la recuperacion e de gris. Benvenguda en França. Quant còsta la cigala made en China? Enfin... Es lo promier jorn d'un viatge a Madrid. L'agéncia de viatge vos ditz: « Benvenguda ! »

(c) Fotografias originalas dau Tam – (c) Tam, 08.

madrid 2

Arquitectura d'un aeroport made in Provença. Lo got oblidat per una viajaira preissada... que laissa a pantaiar... Quau èra... Perqué laissèt lo cafè ?.... Trop caud? Pas pron bio?... Un amoros retrobat a la lèsta qu'apareis a la veirina d'una avion?... O la fugida d'un passat vergonhos?... L'esquina virada a son passat, la femna polida laissa son café e lo negre que difusis. Lèsta a afrontar surament un avenidor promés per un novèu pais europeenc. Coma disié una cançon: " Ailleurs/ Ailleurs tu dis que c'est toujours mieux". Lo parlador anoncia son nom d'ostau. Lo pais. Espanha. La vila. Madrid. Pasmens la tornarai pas trobar dins l'avion. Auriéu degut prene aquèu cafè coma l'ultima dralha de sa preséncia en França.

madrid

(c) Fotografias originalas dau Tam – (c) Tam, 08.

Aeroport de Marsilha, and Occitània made in Japan.

faire lo clown sens L (episodi 6)

Un sordat. Un violent. Me siéu transmudat en sordat amé un casco deis obras Bouygues trapat dins una maleta a joc qu'es tombada divinament sus lo platèu. Chtak. Après la guèrra, convidère una Madama-Clown-Sens-L de montar dins ma veitura (una cadièra de cosina, una taula bassa de salon). Avèm espotit un esquirou qu'avié la forma de ma man (un gant de boxe) sus lo paraveire invesible. Se siam marridats. Avèm divorciat. E escampère lo gant de Boxe a sou. Co qu'èra una marrida causa, diguèt la Capolièra Clown:sus scèna pas de violéncia. Auriéu poscut nafrat ma partenaria. Mai perqué tant de violéncia porgis de ieu?

Ai fach la vida uèi sus lo platèu: la guèrra e l'amor.

Lo public aimèt l'impro. E la capolièra clown me demandèt s'aviéu ja fach de tiatre. Dos cops me demandèt. Sembla positiéu.

La capolièra avié pas tant capitat sa chocrota coma l'autre cop.

Lo clown a pas lo drech de se tocar lo nas. Saup pas qu'es un clown. Fa partida d'èu, lo nas. Te toques lo nas de longa dins la vida?

Lo clown a pas drech d'escampar d'objècte sus l'autre.

Lo clown potoneja a distancia. Lo raport fisic es rare.

Lo clown bacèla a distancia.

Lo clown s'engana sus scèna. Son trauc de memoria pou èstre un procedit comic.

Lo clown agacha lo public. Dins leis uelhs. Contrarament au tiatre que regardes sus una rega d'orizon.

Lo clown es pas un timid. Es un generos. Dèu de longa agachar son partenari dins leis uelhs per saupre prepausar e comprene ço que li prepausa l'autre.

Lo clown dèu jamai prevèire ço que se debana sus lo platèu. Es un instinctiéu. Dèu semblar de longa susprés.

Li avié pas plus de nas de clown a la Fnac. Me fau comandar mon nas per internet. Question: Combien je chausse en clown?

Mon clown, uèi, se disié GNA.

A la debuta, lo clown parla coma un nene. Co que li passa lèu, ço diguèt la Capolièra, au flor e a mesura que comprenes ton personatge. Amé la masca dau clown, as tendéncia de parlar coma un nene. N'i a que parlèron de sa maire sus lo platèu. MDR! Es la clown terapia!

déquédis, problèma N°4: Mai de qué ditz ROBERT?

Fau-ti rampelar la consinha? Fau trobar ço que ditz Robèrt! A la vostra imaginacion e longa mai!

OSCO MANOSCO: ES LA MELO QU'A GAGNA!

I sian (à Galissian). Es la MELO que gagnè lou prèmi pèr lou DEQUEDIS N 3. OSCO MELO ! OSCO MANOSCO! Lis as touti manja aquèste cop! Auras ti regardèlo dins lou mes qu'arrivo ! Agacho! Co qu'as gagna es dins la sièto! GRAMACI MOUN TAM!

colère

ALORS QUE NOS INSTITUTIONS, NOS CULTURES, NOTRE ECOLE, NOTRE LAICITE, notre système de santé sont EN DANGER, que NOS VALEURS REPUBlicAINES sont détruites MANGEES PAR L'economie du marché. Que les défenseurs de la fonction publique, riches d'une certaine éthique nationale sont menacés, angoissés par les réformes, le manque de budget, la concurrence, et les mutations injustes, de quoi parle-t-on? D'un mariage.