dissabte, 14 de juliol de 2007

Moun grand disié...


Quouro moun grand vesié uno persouno emé uno tèsto grosso disié: " Es uno reclamo pèr lou choucoulat Clos".

http://www.klaus.com/quisommesnous-p-2866.html

divendres, 13 de juliol de 2007

Lou Reed en Arles

J'y étais et ça donnait ça:
http://www.youtube.com/watch?v=wfAKyq9IsaE
E noun, Mela, fagues pas lou mourre!
E vaqui lo melhor passatge dau ser:
http://www.youtube.com/watch?v=_UKY7QQOiGo&mode=related&search=

L'erso

Uno erso afrouso en Coursego a manleva moun cousin P.... A desaparegu coume dins un filme d'Ozon. Soun amourouso a regarda la mar e l'a pas vist tourna. Coume cade estiéu, ma famiho es tristo.

Ma maire faguè...

A taulo, quouro moun paire parlo pas proun fort, ma maire prèn lou telefounet e fa coume se mountavo lou soun.

Ma maire diguè...

L'autre jour, à taulo, quoro se sian demanda perqué avian barra la pescarié, ma maire diguè: "Aco m'estouno pas. Aquelo que tenié aco èro uno fegnantasso. Avié pas lou biais. (Ma maire fa uno grimasso e imito la peissouniero emé si gant e soun èr de fasti) quouro triavo lou peis semblavo que toucavo de la merdo".

Un blog ami

Vaqui lou Blog de K. Un blog pausa, artisti. K es la reino de la bono analisi. Analisi di libre, di gent e de tout ço que l'envirouno. Emé uno sensibilita que vous dise pas. Bono leituro!

dijous, 12 de juliol de 2007

chet baker

Cbabi Bayoc Visit his studio by clicking here

http://www.chetbaker.net/


En tornant en co de mei gents, i a totjorn un disque vièlh que me rampèla, que me sibla, me sedusis, m'arrapa e lo pode pas laissar. Sus sa laissa, eneblat per la polsa, reviscola, a besonh de ieu. Carga son vestit negre e blanc - retrach fotografic de l'artiste - e son plastic de cuberta fendisclat. Me rampèle que l'aviéu crompat per un especiau Sant Valentin. Per un repais ai candelas dins una cambra d'estudiant. D'aquèu repais, demora lo disc. De lo trobar aqui, aqueste ser de julhet vos vau dire, dètz an après, es una descubèrta nova. Un tresaur escondut que me pega a la pèu. Per ieu, lo disque de Chet Baker, amé lo mitic My Funny Valentine, aurié poscut èstre una odor de perfum amar de femna, una mescla de tubèia e de moqueta au mur. Lo gost dei pastas pas frescas, rabinadas, crompadas a l'arabe dau recanton de la rota de Menda per una serada mau consumida. Un gost de "pas pron". Aurié poscut èstre aquo. Vo! Mai l'es pas. OC! leis impressions cambian! Lei gents e lei causas tanben. E desenganatz vos: Es pas per nostalgia que l'escote. O! Puta! Non. Laisse lei regrets ai vielhs occitanistes que son de longa a romegar sus son passat. Non. Es pas aquo. Lo refrin dau perfum, dau passat, vos l'ai fach mai d'un cop! E es temps de passar a autra causa.
Segond temps. Temps de la ficcion. Es temps de se transmudar e de dire qu'Indianà en trobant lo disque pensèt, nus coma un vèrme sota la docha: "Coma m'agrada aquela musica. Siéu fan fan fan! Perque m'anoncia la debuta de l'estiéu. E qu'anoncia coma
lo generic d'una novèla partença. Es per aquo que Chet m'a sonat aqueste ser! Esperit de Chet, se m'entendes, fai bolegar lo savon! Me fau rire! M'aime! Fai fresc. Siéu ben. E ai enveja d'aquo. Verai! A! lo cant de serena dau Chet Baker! A! Non!Puta bornha! lo podiéu pas laissar tombar per una simpla istoria de cambra, saique!Aqueu colhon me balha la pèu de gau! Coma França. França Gau." Chet Baker: Musica de cambra alara? Non!Lo cantaire avié autra causa de ié anonciar: lo bonur d'èstre solet e d'èstre se. D'una voès suava e d'un cop de trompèta. Poder magic dau Jazz. Se tornar inventar.
La version de Chet:
La version de Sarà:

ma maire diguèt...

Ma maire es dins un restaurant chic. Tomba sa baga sota la taula. Va per la querre entre lei cambas dau paire. La serviciala arriba per servir. Troba ma maire sota la taula. Ma maire s'aubora en dire: "Urosament qu'es pas Bill Clinton".

dilluns, 9 de juliol de 2007

Barrat.

La botiga es barrada per lo moment mai podètz laissar lei messatges e lo corrier sota la porta de l'Agéncia de Viatge, dos carriera dau Maracàs, oooo8 Tam. Podètz tanben laissar un messatge aqui.