diumenge, 8 de novembre del 2009

Trauc Negre de Charles Burns

Trauc Negre de Charles Burns (Black Hole) sarié segond lo musèu de la Benda Dessenhada de Bruxèu un dei darniers caps d'obra d'aquèstei 20 darnièreis annadas. Es un roman grafic en negre e blanc, publicat en Franchimand ai remirablas edicions DELCOURT.  Conta lo conflicte interior dei jovents pendent l'adolescéncia degut a una malautié (s'agis-ti dau SIDA?). Aquèste conflicte amé se se tradusis per una metamorfosi dei pèus o un perlongament dau cos: coa de limbert en co d'una chata, brega en forma de cicatritz que parla pegada au cou d'un drolle. Es  una BD torturada, clinica, fisicament espeventabla.  Una odissèia de chaucha-vièlha que rementa au lector leis orrors de l'atge adolescent. Fisic e episcologigament desvariat. Una obra malaisada e rica. Graficament siam proche de Freaks, dau teen-moovie, dau Pulp e de Thriller... Mai luenh d'èstre una literatura de gènre aquèu roman es una obra d'autor. En dessus de tot. Cinematografic e literari a l'encop.