dijous, 26 de novembre del 2009

E... es talamant polida

(C) Lou Tam-Tam 2009.

Ié dison E....
E... bufa lo bonur. De son pèu blond. De son telefonet blingbling. E... es talament polida. Qu'obra a l'agéncia per intermiténcia mai que pou s'en passar. De sei raubas de marca. De sei perfums Chanèu. Talament granda e fina. Sei sesilhas en co de Jaume Dessange. Fièra de sei drollets peluts coma aquelei de Glaudi Francés sus lei fotos de Podium. Risènta. Risolièra. Trufaira. Un solèu aquela dona. Un solèu. Om imagina aisadament seis ostaus. L'ostau de vacanças en Normandia. L'ostau de familha de la vila de Tam. L'ostau de vacanças. Que son ome, ric industriau, de mon atge, sabèm pas perque, ven d'i laissar sa vida. Penjat a un pomier. Sabèm jamai lei planetas que negrejan a l'entorn dau solèu. Ridèu de fèrre. La riquèssa de la veirina escondié lo laboratori dau fonds. Escur e maluros.

dimecres, 25 de novembre del 2009

administrator

Es pas un filme novèu amé terminator, non, administrator es mon rotle novèu dins una chorma de tiatre. Amé una autora flama que dempuèi que fau lo palhassa frequente de mai en mai d'artistas que m'an reperat per ma bravituda. MDR. Administrator per posquer seguir de professionaus: AKO M'AGRADA. Alara per èstre corrècte dins mon engatjament me demandan... un troç de casier judiciari. AKO M'ESPEVANTA.

madonnassa e leis efiechs especiaus

L'immoble de l'agéncia de viatge de la vila de Tam es un immoble ausmanian. E dessus l'agéncia de viatge, au promier estanci, resta una vièlha que ié direm madonnassa. Es l'estar de la comuna ais idèias embarradas e d'autre temps. Sa tissa es la seguritat. E quora siés lo promier d'arribar a l'obra, croses la marrida madonnassa. Amé sa saca prisu reciuclabla, sa carreta clafida de porris que despassan. Coma metié de prospectus d'un partit sens nom dins lei boitas dei letras pendent leis eleccions de 2007, m'aplique de ié adreiçar pauc la paraula. Uèi me seguis amé sei porris dins lo corredor;"Mèfi, de ben barrar la lorda de l'immoble, la vesina dau recanton se faguèt raubar l'ostau, en una ora, qu''èra au prisu, en una ora, avisatz vos, èra susvelhada, surament, alara, ieu ço que fau, es que barre la promièra porta de fusta, coma aquo, que lo factor la barra mau, sabètz, coma aquo la barre, puèi barre la segonda porta de veire, coma aquo, enfin fau semblant, que l'an jamai reparada aquela seegonda porta, la nuech me leve per faire creire qu'es barrada a clau, coma aquo, vesètz coma aquo". La chauchavièlha, la vièlha. Arribe de la despassar. Monte a l'administracion dau promier. Lo monta davala se dubris. E la vièlha reapareis, entre doas portas automaticas:" E sabètz quora lei van reparar lei portas? perqué sabèm jamai lei vièhei femnas coma ieu, enfin pensatz, la porta, hein, la porta?". M'agradan leis efiechs especiaus. Leis efiechs especiaus coma dins lei concerts de Madonna e de MJJ. 

diumenge, 22 de novembre del 2009

juliette a vauvert



Es lo segond cop amé tu, Julièta. Espère que sarà pas lo dernier. Siés la melhora!