dijous, 1 de febrer del 2007

Ajudas - Nous!

La vilo de Tam es un pais souto-desenveloupa! Avèn pas li mejan pèr viéure! Faudrié pèr subre-viéure me manda un aparei numerique! Legissès souto e coumprendrès l'urgènci! Aqui, es simple, me sente coum'en Etioupi ( Loin de nos rues, de nos banlieues, rien qu'une chanson pour eux).
Faire lou 36 37 pèr li doun.

Cançon per l'etiopia (rien qu'une chanson pour eux)


Dins la vila d'Agradà avèm manjat amassa au restaurant L'Ola. Lo cosinaire qu'es un amic nos faguèt: una gauta de porc , sauça mèu e espiças, una ensalada de pomas d'amor e lo moligàs au chocolat. Quora disi "avèm", es la chorma de festejaires que siam. N'i a un que fa lo jornalista e nos contèt son viage en Etiopia (loin du coeur et loin des yeux/ l'éthiopie meurt peu à peu/ Peu à peu/). Alara en Etiopia (rien qu'une chanson pour eux) an la passion deis aucèus. L'aucèu es coma ton chin a l'ostau: lo fau respectar. E ton chin pou morir ras de la robina en Etiopia (loin des rues, de nos banlieux), l'anaràn pas cercar. Mais l'aucèu! A! L'aucèu! A majuscula (que te pela) Puta bornha! L'Aucèu! Sabon pas perque es sacrat, es pas religios mai vaqui lo fau respectar. Alara l'Aucèu es coma la Vaca en Inda. S'es un galejon vo un becaruc te fau calar amé la veitura (en Etiopia - rien qu'une chanson - dèu semblar a la veitura de Big Jim, ta veitura) e esperar lo passatge de Monsur, que se lipa leis alas, te fa Madonna sus Like A Virgin (lo becaruc, èu, fa lo moonwalk en causa de sei patas, ço que vist coma foncciona, lo becaruc, m'impressiona pas brica, mai pas brica, ieu tanben podi faire lo moonwalk mai en abans e lo becaruc sarà espantat perque pou pas). Bon. Comprenes qu'es un aucèu bèu, que fau admirar vaqui. Mai es tarrible perque s'es un pieu-pieu qu'es au mitan dau camin (aquo pou arribar) fau t'arrestar parier! En resumit, mon collèga lo jornalista a passat son temps a veire d'aucèus, a laissar passar d'aucèus, a respirar d'aucèus. (A! M'auria agantat la gripa dei galinas, aquo m'estonaria pas!!! Me demandi se s'es lavat lei mans abans de passar a taula, a un moment donat m'a servit un got de vin e a tengut lo got). Seguissia una chorma d'etnologs (es un indiana jonas coma ieu, mai èu es mobile, mentre ieu siau l'indiana jones de la vila de Tam) e coma fa de la fotografia s'arresta.. E normau... Per prene un aucèu! Te vei pas arribar un carabinier amé de besicles, desguisat en aubrilhon (tenguda d'esconduda), que li ditz:
- Arrestatz vos! De qué fasètz! Espèri que tocatz pas ais Aucèus d'Etiopia (Rien qu'un chanson pour eux).
Coma l'Indiana Jones Mobile parla un etiopian mejan e benlèu trop estandard per se faire comprene dei felibres dau pais (an sabi pas quant de dialectes enlai) comença de li faire l'Aucèu. Nos l'a fach au restaurant. Cresiau Line Renaud que davalava lei marchas dau Lido (mon truc en plumes papapapapa). Doncas nos fa l'Aucèu. Lo carabinier crei, macarel, qu'es per lo manjar. Urosment I.J.M (Indiana Jones Mobile) ( li trobarai un autre nom, lo cop que ven lo sonarem Big Jim) a un numeric e enfin... li monstra son polaroid e vaqui lo carabinier rassegurat.
Viure en Etiopia (les enfants d'Ethiopiiiiiiieu), es un pauc coma viure dins un filme d'Alfred H....
Ai agachat ma gauta de porc dins la sieta. Urosament que ma religion me lo permet, lo porc. Mai me vesi dins un pais onte m'es enebit. Me vesètz dins lei carrieras dabans lo carabinier? Faire lo porc dins la carriera? E ! Chauchavièlha! Ai totjorn mon argentic!