dimecres, 26 d’agost de 2015

Signatura Esperit de Sau

Dissabte 19 de setembre - 10.30/12.30 de matin - 03.00/07.00 de la tantossada
Dimenge 20 de setembre - 10.30 de matin/ 01.00 de la tantossada

Signatura dau libre ESPERIT DE SAU - Edicions: Aucèu Libre.


Libres Catygor, Carriera de la Republica, 30200 Aigas-Mòrtas.

dilluns, 24 d’agost de 2015

Radassier roge

Quora retbalas dins lei carrieras de ta ciutat, que i a pas ren de faire onte vas? Au cinéma, pardina! Lo sol orari que correspond es ligat a un film qu'as pas enveja de veire: Florida. Rai. Te vaquí doncas davant un film ciblat per lei vielhs de la sala, per leis espectators vielhs de França Dos e per lo club dei vielhs fans de Miqueu Drucker. Un film onèste, ben bravet, coma cau,  per lo penequet, la sièsta e la digestion. Lo cinéma francés, pecaire. Pecaire, lo cinéma francés.

La Dòna dei besiclas e dau fusiu, dins l'auto



Es un film francés de Joann Sfar de 2015. Joann Sfar es bòn per lo ciné coma ieu per lo dessenh. Tam
Tam 2015

La Illa Minima


Film policier d’Alberto Rodriguez. 2015. Dins la palun Andalosa la vegetacion se sarra d’una Camarga crudèla e sauvatja a la José d’Arbaud. Dos policiers enquistan sus lo raubatòri de doas joventas. L’ambient pesuc de l’illa cabuça dins una violéncia bauja mai justificada : lo franquisme es pròche. Excellent e mestrejat mai que mai. Aqueu film unenc dins son biais ganhèt en Espanha lo prèmi especiau de la poliça, lo prèmi de la critica, lo Goya dau melhor film, dau melhor realizator, dau melhor actor, e de l’esper per l’actritz. Tamtamtamtam

Tam, 2015.