dijous, 8 d’octubre de 2009

grand organizator

"Veses, fasèm de viatges sota lei piramidas d'Egipta, de pescas de pofres dins la mar egèia, fansèm dançar la dança de la botilha a Taiti... e nos convides au castèu de Carcasona per protegir una lenga de vièlhs?... Desencusa... Mai balha pas enveja..." Me diguèt, en me virant l'esquina, l'intendent barbut que saup tot car coneis lei chifras. Li vau anar solet a la vesita dau castèu. Me tendrai drech. La man arrapada ai ponhadas de caotchoc. Drech coma un aubre. Balin-Balant. Aquo me farà lo ventre a cada vira-vira. Plus cort e plus car que lei sesilhas de muscu de Mèla. Coma sarai bèu quora sortirai dau cari! Lei carcasonèsas me sautarà dessus tre l'arribada. A ma vista, se metràn nusas, sens relambi. Espère que la menaira sarà simpatica e me metrà la caisseta de Shakira nusa sus una iscla sauvatja. Ioupi. Dancem la carioca.

dimarts, 6 d’octubre de 2009

organize una marcha per lo castèu

A l'agéncia de viatge ai logat un carri per lo personau. Per l'amicala dau personau, adobam d'animacions per èstre a l'encop mai soples e competitius dins l'obra. Sempre entre 12 oras e 13 oras.Coma son dos marcats a mon atalhier d'Occitan de la tantossada (ara, siéu concurrençat per lo cors de Zen que son 12, aquestei colhons) siéu oblijat de marcar de causas coma aquo dins lei corredors de l'intrada per estrambordar ma chormeta: "Venez marcher à Carcassonne, journée belle et colorée. Ouverte à tous". Una cagola de secretaritz me diguèt:"Farem lei botigas?" Cagola. Cagola. Cagola. Enfin - vergonha - diguère de Oc. E diguère tanben que podrié, se li agradava, descubrir lo polit Mac Do d'enlai... Fas ta life, ma fista, se t'agrada de pilhar lei botigas rosas Jenifer e lei "restaurants" jaunàs de manja-lèu.... Parlem dardena. Siéu organizaire de viatge. Normalament es mon job. E espère ben rentabilizar lo carri amé de gents que s'en cagan de l'Occitan (ô santi mario! plouras per iéu...). E me dise qu'après lo viatge, vist lo succés de la causa (sarem 30 000, n'en siéu segur) saràn occitanizats fins a la moela. Rahhhhhh! Lovely! Gnak! Gnak! GRRRRRR! Mrlmbreuk! Gnégné! E Aquestei cons parlaràn pas plus Francés, faràn la cauma de fam per sei pichots per crear de collègis e de licèus bilengas dins la vila de Tam. E cramaràn lei Mac DO e lei botigas Jenifer. Se faràn ara-kiri e kamasutra. L'un o l'autre. O lei dos a l'encop. Se tugaràn en faire l'amor per monstrar lo simbole fort de la fin d'una lenga e d'una civilizacion. Un tsunami d'Occitanistas. Bè..... Om pou totjorn pantalhar. Per ara, son dos de s'èstre marcats au desplaçament. (Qu'un es un depressiu, grand responsable dau traucàs de la seguritat sociala. que marcha amé un deambulator per se faire remborsar seis desplaçaments de l'ostau a l'agéncia). A! Marcha joiosa e colorada.Youpi. Dancem la carioca.