dijous, 27 d’agost de 2009

Chaplin: Oscar dau melhor Cacalàs

Aquela scèna tirada de Monsur Verdoux me fa petar de rire. Mr Verdoux es una mena de Landru que mata totei sei femnas, sota diferenteis identitats en prene l'argent de l'ostau. De cops que li a lei donas acaban a la caminèia. La mai malaisada de suprimir es aquèsta cagola que vesètz sota. Una galina parisenca que ten mai que mai a son argent. Sus la barca, avisatz que Verdoux imatgina quicom mai qu'una passejada romantica... E lo crimi es luenh d'èstre perfiech. Lo joc dei dos comedians es remirable. Me fa cacalassar.



Trobère aquèste comentari sus YOUTUBE a prepaus dau filme:
"Martha Raye was the only woman Chaplin ever allowed to play comedy with him like this because he trusted her instincts at physical comedy and had confidence in her ability to adlib. She considered this role the highlight of her career."

Joc: quau es quau?

Consinha: Tampa lei traucs amé ta bona cultura generala e ganha de regardèlas...

La Grècia, ieu e mon lector de DVD. Me permeteguèt de tornar veire un classic per jorn dins l'aeroport, dins la cambra, dins l'avion, tre que li avié una presa procha de ieu. Abans aquela puta de rintrada que te trauca l'estomac, la capolièra clown nos demandèt de revizar lei nostrei classics. Dins ma colleccion DVD, demest lei classics li a un palhassa fort que se ditz C.............. C.......... Es anglés, faguèt sei debutas dins lo circ amé lo paire e la maire. Quora migrèt en America, creèt lo mai grand personatge que lo cinèma coneiguèt. Era The T......... Escampat deis americas pendent "la caça dei mascas" - èra acusat de comunisme - acabèt son mestier sus l'iscla natala. Lo filme que vos prepause sota es................... Conta la vida d'un palhassa en plena cabussada. Es la dançaira qu'ajudèt un temps que lo tornarà botar sus l'enpont. Es una granda soscadissa sus lo mestier d'artista. Lo filme parla e campaneja la fin d'un cinèma mut. La fin d'un periode. Per lo filme, Chaplin que joga aici lo rotle dau palhassa dich "C............................." convida un grand comedian dau cinèma mut, oblidat malastrosament dau mestier perque s'èra pas acostumat a la moda dau cinèma parlaire. Es .......................................... Aquela convidacion esmoganta es presentada sota. Lo tiatre permet la darnièra representacion dau burlesc au cinèma. Lo palhassa defuntarà après aquela scèna. En colissa, evidentament.

dimecres, 26 d’agost de 2009

Joc: Troba lo titre dau filme...


JOC: Lei doas fotografias representan lei cinèmas cabussant sus la mar, l'estieu, dins lei vilatges gregaus, a cèu dubert. Mai podètz trobar lo titre dau promier filme presentat aqui? De ganhar: de regardèlas arcolizadas per oblidar la rintrada...