dissabte, 21 d’abril de 2007

Florian Vernet: lo grand retorn

Es mercés a Florian Vernet que sèm venguts a la lenga. Perque fa de libres fabulos, de polars e de novas coma aquo! Son Occitània es inspirada per Massilia, Frederic Dard, Rabelais...
Vaqui lo liame per seguir la presentacion de son libre nou sus França 3, dins l'emission occitana. Un libre sus l'Argot per Florian lo Grand? De mancar pas!

Per descubrir Florian Vernet clicatz aqui, fau agachar l'edicion del 7 d'abriu 2007:

http://videojts.francetv.fr/regions/popup.php?id=l31a_locale&video_number=0

Se pot crompar aqui, lo libre:

http://www4.fnac.com/Shelf/Article.aspx?PRID=1972930

Una gara es un port de terra


La MARPOC e l'IEO venon de publicar leis Actes de l'Universitat d'Estieu de 2004, recampats per Jorgi Peladan. Se podon trapar a: MARPOC, 4 carrièra Fernand Pelloutier, 30 900 Nîmes. Tel. 04, 66, 76, 19, 09. Dos tèmas: L'Oriènt e l'OC e Frederic Mistral.



"Una gara es un pòrt de terra. Dins aquelei dei país paures onte lo Camin de Fèrre es costumièr, lo trin es tot ensems la caravana dei nomads, lo batèu deis immigrants, la rota dei romieus, la dralha dei viatjaires, lo bazar rollant de totei lei merças."


Roland Pecot, Portulan II, Montpelhièr, edicions Tarabusta. Prèmi Meridian 1981 de la vila de Montpelhièr.

Citat per Maria-Jana Verny dins: L'Orient dins l'Obra de Roland Pecout: quauques aspectes, in Actes de L'université d'Eté, 2004.

dimecres, 18 d’abril de 2007

Fin deis emissions: la nuech porta consèu

Era l'enfancia sus lo sofa. Lo dissabte de ser quora aviam lo drech de s'empalhar tardier e de pas espinchar lo filme sota la porta, a la chut-chut coma pendènt lei jorns de la setmana qu'aviam escola. Era - me sembla - l'epoca d'una television mai pausada. Una television qu'avia lo temps e que nos laissava lo temps. E vaqui ço que nos balhava coma presènt per nos dire bona nuech:
http://www.youtube.com/watch?v=okVU6v8phzY
Era una temps avans la privatisacion...