dijous, 15 de febrer de 2007

Lei femnas a la terralha!


Vaqui mon amiga Delfilm. Avèm traucat pas mau de tempèstas ensems. Avèm estudiat lo cinèma ensems. Avèm de secrets ensems. De nafradaduras, de cramaduras ensems. Es una chata en aur perque son mestier toca a l'art dei libres. Toca a la sensibilitat, au tocat, a l'odor dau libre. A un raport sensuau au libre, au papier, ai ponchetas, a la pega.
Delfilm sonha lei libres que malautejan. Lei libres podon aguer lo cranc coma tu. Mai Delfilm a lo poder magic de sonhar aquela puta de malautia e pas ton doctor...
Oc! Vaqui Delfilm, femna coratjosa que vieu per sei cats bornis, qu'a crompat un ostau a Sant Quentin per ligar lei secrets dau monde, tencha negra sus papier blanc.
Vaqui Delfilm qu'a vist sa maire coma una eroina sauvar d'obras qu'èran a se negar dins l'aiga d'un Nimes banhat.
Anem Delfilm fa ben quintze ans que se coneissèm. Un jorn te farai lo retrach, aqui, en negre e blanc. Passarai una jornada amé tu. E contarai una jornada tipe. Mai per lo moment te presente ais amics dau Tam... Clicatz sus l'article per lo ben legir. E lei femnas... a la terralha!

http://www.reliure.fr/html/reliure_fr.html


Sus son site, om pou vèire coma Delfilm a revirat son mestier dins totei lei lengas dau monde!

dilluns, 12 de febrer de 2007

Li grandi fraso de l'istori: Napouleoun - 2 -

"L'as paga lou capèu?"

Li grandi fraso de l'istori: Napouleoun


"Mai ounte soun li clau de la petrouleto? Me semblavo bèn que lis aviéu meso aqui..."

Devinaio: Trobo lou titoul dou filme

Dins la vilo de Tam se fasèn talamen caga que me siéu abouna à TPS. E lou darrié filme que veguère èro pas mau, pas mau. Emé tis ami, devino lou filme que veguère!
Lis entre-signe:
1) Poudrié èstre un filme en negre e blanc mai l'es pas.
2) Poudrié èstre un filme emé Sarko mai l'es pas.
Qu'es aco? Qu'es aco?