divendres, 10 de juliol del 2009

clit eastwood



Joe Kid es un oèstern proche de la BD. Per un cop, clint es un justicier positiu. Un pichot caçaire que desira pas qu'una causa: la patz! Ajudarà pasmens lei mexicans que l'ome blanc lors prenguèt dardenas, femnas e ostaus. Fau pas desconejar. De descubrir lèu, lèU.Es estat realizat per un mèstre dau oèster: John Strurges.




Clit Eastwood

Uèi èra ma jornada Clit Eastwood au lector DVD. Una jornada aconsacrada amé un realizator geniau. Clit Eastwood per ieu es lo cowboy dei films espaghettis deis annadas 70. Mai es pas qu’aquò, es tanben una òbra cinematografica qu’es pas de dire.

Vida de Clit Eastwood (d’après un palimpeste de Larousse Daucinéma).

Clit Eastwood nasquèt en 1930, a San-Francisco. Joguèt a la debuta per lo reiaume d’Universau, e fuguèt arremarcat per lo pòple dins una seria tv : Rawhide. Mai es en Europa, amé la tripleta oèsterniana de Sègi Leone (Per una ponhada de regardelas, E per quaquei regardelas de mai, lo Bòn, lo Brutalàs e lo Drogan) que s’impausa coma « l’òme sens nom ». Après, fa de produccions de serias b en americas e a la fin deis annadas 80 ven un grand realizator. Creèt parier l’inpector Harry. E passèt sei vacanças amé Meryk Streep a son ostau que semblava a la de Grand Mameta Donald. E cric e crac. N’ai mon confle, jà. Se la volètz coneisser la sieuna vida es dins lo diccionari Larousse de Passek. La referènci.

Jornada programada :

A 8 oras : Gran Torrino per Clit Eastwood _) un cap d’òbra.

A 14 oras : Joe Kid dau grand John Sturges _) una bd en film.

E ara, tornariéu ben metre lo documentari sus lo Piano, Piano Blues ò plorarai ma maire sus la via de Madison... Veirem ben. E vos vos agrada lo Clit ?

dijous, 9 de juliol del 2009

perda

Es curios, quora perde quauqu'un, es totjorn de la voés qu'assaje de me rementar. Coma se mon cap èra un magnetofon, un disc dur. Dins mon cap me fau lei voés, que per ieu demoran mai importantas que leis imatges... Aquelei voés podon virar de longa, en bloca en ieu dins la jornada. E restan a jamai.