dissabte, 27 de setembre del 2008

grècia: Lo grand missant Wolf e sei Wolfetas en carn e en espinas

Wolf e sei Wolfetas

A! Lei colhons! Urosament que la mar èra granda e a gratis, se que non t'aurian tot reservat e auriés pas poscut te banhar, mon paure Tam. Ma vengéncia fuguèt crudela. Sabe qu'es dangeiros mai pegue lo retrach d'aquelei empegats sus mon blog occitan. Amé una enveja de lei negar, ben pregond. Au pais dei Pofres, lei Wolfs son reis. La darnière nuech, metère lo revelh. E coma ère envasit per lei bralhas dei Wolfs e dei Wolfetas qu'escampavan sei sotas vestiments d'en pertot per marcar lo territori e m'empachar de m'assetar sus lo balcon, sortiguère a la chut-chut sus la musica de la pantèra rosa. Una bralha de banh sus lo closc, per posquer pas èstre reconeisser. La masca de cabussada sus lo nas. E mon pijamà regat. Lume frontau sus lo front. Tubà dins la boca. E d'un biais risible imitère lo vent amé lo braç. Lo lendeman Wolf trobèt son eslip sus la teulissa dau restaurant. Siéu un super-Tam.a

pofre e fièr de sa pofrièra



Vaqui la resulta de ma pesca. Amé ma pofrièra (dessenhada a despart de mei quasernets personaus) prenguère una pofrassa. Era una femèla de 1m20. 40 kilos. Siéu tras que fièr.

grècia: la nuech sota la terrassa



La nuech, parte sus una barqueta amé lei pescaires de la familha. Anam pescar lo pofre que manjarem deman a la Taberna Maria. Sarà la grand que bacelarà lo pofre. Lo pofre a un got iodat. Se manja fregit. Amé un bocin de lemon. Vos contarai pas ma partida de pesca qu'es mens apassionanta que mon repais de pofres au lemon.