divendres, 19 de setembre de 2008

Rotlèu Compressor au burèu de l'Agéncia de Viatge

Après mon pan blanc, vaqui mon chichi fregit.

Au burèu de l'agéncia de viatge quora me parlan de mon poste, lei collègas dison: "rotlèu compressor", "chavana" e "revolum". Damisèla Jana - que gausa pas me regachar - me ditz qu'es pas plus aqui per l'uman mai per la chifra. E lo grand patron me parla dau monde dau trabalh coma d'una futura jungle. Quora vese que siéu absent dau fiquier de la presentacion dei noms dau personau, que mei projèctes de viatges son estats ensabalits sabe pas dins quin tirador pousos, me dise a cada minuta qu'es la fin. Lo pessemisme se fa rei. Lei gents, que s'èran crompats una disciplina, tornan tubar. E Lolo, qu'èra lo rai de solèu de l'ostau, rena de longa. Mentre que lo sindicat cala. Anem, me ditz una autra secretaria, siés joine, as un fum de ressorgas. Pos te reciuclar. Te crese. Vau anar vendre de chichis sus la plaja.

3 comentaris:

mela ha dit...

Tu peux aller changes les couches en maternelle si tu veux, es çò k te prepausaràn, los conasses.

Tartina ha dit...

Se demòras tot solet dins ton recanton faràs lor jòc : cal far de bruch, assabentar lo monde -las practicas de l'agéncia-, far cagar lo sindicat, escriure als jornals, contactar Vaquí e que te sabi encara. Te vas pas daissar sagnar aital ! De tot biais, sès pas e seràs pas lo sol : cal començar de mobilisar lo mond en prevision de çò que s'anóncia. Se vòls, pòdi far una cauma de la fam per sensibilisar l'opinion.

Joan deu Peiroton ha dit...

Simple! Dubrisses ta pròpia agéncia en fàcia.
Mas si Tartina fa una cauma de la fam, pòs tanben far de jornalista, una entrevisteta amb una tartina caumaira, aquò marcariá plan.