Siam anats a Peccais, mon camin d'aiga preferit. Viram d'oradas entre robinas e paluns dins lo cristau dei flors de sau. Prenèm lei camins enebits e esconduts. Quora siam arrestats per d'erbassas nautas nautas. Lo Paire ditz: « arrestem nos. Lei clavelets creban lei gòmas dei ròdas ». Qu'es aquò un davelet? « Un clavelet, çò ditz, es una floreta ponchuda. Ven dau mòt clavèu e sabe pas çò que fa en francés ». Pasmens, me dise que i a de flors poderosas e camarguencas que te pòdon tugar un Mountain Bike.
1 comentari:
Es una planta redobtabla ben coneguda tanben deis agricultors ! Sa frucha es provesida de vertadiers cròcs.
En francés, se ditz "la croix de malte" que lei 5 granas provesidas caduna de 2 cròcs son dispausadas en forma d'aquesta crotz.. En latin Tribulum terrestris.
Amistats
Josiana Ubaud, fa l'autora, la lexicografa e l' etnobotanista en domèni occitan.
Publica un comentari a l'entrada