diumenge, 26 de maig de 2013

La teoria dei colors


La teoria dei colors dau pintre Signac es inspirada per doas paginas escrichas per Chevreul e Rood, dos saberuts quimistas e fisicians. Es lo punt de despart dau Neo-Impressionisme. Fa dau moviment artistic quauqua ren de fòrça scientific (e l’un dins l’autre...)  Soscadissa sus la lutz a despart dei colors primàrias e complementàrias (se parla d’una « gramatica deis arts dau dessenh. ») 
Lei sòrgas scientificas de Signac son nombrosas. Segon lo pintre, Delacroix es l’inspirator de son moviment.
M’agrada aquela pensada sus la color negra de Rood : «  es que la fisica modèrna exprimís en dire que tot mescladís dei colors sus la paleta es un caminament cap au negre ».           

Nòtas personalas de lectura in : Sota la direccion de Marina Feretti Bocquillon, Signac lei colors de l’aiga (Signac les Couleurs de l’Eau), Paris, Montpelhier, Giverni,  Gallimard, Musèu Fabre de Montpelhier, Musèu Fabre de Giverni, França, 2013.

Quora vese lo tablèu Retrach de Felix Fénéon crese descrubrir lei colors psiquedelicas deis albums dei Beatles... Pasmens lo tablèu es de 1891 !


Portrait de Félix Fénéon, 1890-1891,

Òli sus tela, 73,5x92,5 cm, New-York, The Museum of Modern Art

2 comentaris:

Patricia ha dit...

Ai avut un cors sus aquel tablèu en Istòria de l'art, lo me cal cercar. Mercé de m'i far tornar !

Tam ha dit...

Ieu, ai estudiat lo cinèma mai non pas leis arts. M'interesse a la pintura e au dessenh. Mai lo resumit que legisses sus la teoria dei colors es una ficha de lectura que vene de faire. Sabe pas s'ai tot comprès...