dimecres, 29 de desembre de 2010

sondatge e avejaire: qué t'agrada de veire per nové?


Nové nos confla d'imatges, registrats, digerits, gormandàs vo racants. Ma seleccion:

Racants:
- Un DVD Canau Plus sus lo retorn d'aquela puta d'extrema drecha dins mond dins Investigacion.
- Mon bèu paire e ieu au cinèma. Un orror.


Trop sucrats:
- Un dessenh animat cantat e doblat en francés sus França 5: Peter e Eliot lo dragon.

Ben alestits e ben sentits:

- La sason doas de Mad Men. Canau Plus.
- La sason una de V. I-Tunes.
- La sason doas de True Blood. I-Tunes.
- Ridicule de Patrici Leconte. Arte. Amé la sabor dei mots, lo franchimand pou faire bon cinèma.
- Destinacion Paradis de Jaume Maigne. Arte.
- La nuech dau zapping. Canau Plus. Onte lo montatge nos balha lo gost amar d'una annada 2010 encara trop pebrada...

E vos qu'es lo film, l'emission, lo reportage vo lo documentari que vos a encantat, agradat, desgostat? Podètz laissar un cometari o respondre au sondatge a drecha.



2 comentaris:

Joan deu Peiroton ha dit...

Manca una casa a ton enquèsta, a ieu, ren de tot çò que i as botat me sona...Es qu'agache pas jamai la tele, ieu...Bon, bonas fèstas e bon an nòu!!!!

Tam ha dit...

La question ara es pas d'agachar o d'agachar pas la tele mai coma l'agachar... HBO fan de produccions independentas que se podon logar en DVD. Lei critics de cinéma son formaus: Ara aquestei serias (que siegue SIX FEETS UNDER, MAD MEN....) se laissan veire coma lei grands films de l'atge d'aur american. Quauqueis uns se veson coma de grands romans que, per la força de la narracion, t'empachan de dormir e fan de tu un mordut. Pense a Roma. Granda fesca violènta sus la roma antica. Es verai, que la granda preséncia deis ecrans (television, ordenador, I PAD....) dins leis ostaus te podon manjar ton temps o son cronofages. Mai, malastrosament me diràs, au mieu, tenon força força plaça.... Siau un pivelat de l'imatge. A un efiech que m'apasima. E s'es acompanhada d'una bona istoria... siau fotut. MDR.