Per lo que vendrà a l'ostau ai chanjat la bibliotèca. Lei libres en Francés, sus lo cinèma, lei revistas, lei bendas dessenhadas belga, ai tot escondut au fons. Mès en avans totei lei tèxtes en lenga d'oc. Per lei raubaires, lei visitaires, per lei curios, lei contres e lei per, ai cambiat ma bibliotèca. Deman chanjarai lo cagador. Aqui, se legis occitan. Se parla occitan. L'occitan se cultiva. L'occitan es vesible. E au mieu se vei. Mei libres son estampats, son pas de paginas blancas sensa retorica e sensa gramatica. Son mei leis d'amor. Promier acte de resisténcia contra lei racistas que reduson l'occitan a la "potée auvergnate". Manca plus que de convidar Charrasse a l'ostau. Entre dos libres sus lei trobadors, un vernet e un Mistral, que dirà?
Ieu qu'aviéu tot mesclat . Amoros de literatura comparada. Aviéu tot mesclat. Lo cinèma, leis imatges, lei libres, lei discs, lei viatges, lei rescontres de totei menas, de totei lengas, lo lengatge. E de la colèra me plegue sus ieu coma pas jamai. Perque l'agressivitat dau defora m'es trop dura. Ai escondut mei mescladissas que fan ma sola riquèssa. Aquèu trabalh de dubertura sert de ren. Ai exibat mon Occitan coma sola cultura coma sola batèsta possible. Sarà pas de ma fauta, se vene violent. L'agressivitat ven dau defora. E vene l'Occitan caricaturau: Lo de la lucha e lo de la totala revouta. Deman me cromparai de plumas d'indian vo un capèu de gardian per monstrar ma batèsta. Leis indians vo lei cowboys. Lo pacifiste Baroncelli vos lo dirié: N'i a pron de calar.
Ieu qu'aviéu tot mesclat . Amoros de literatura comparada. Aviéu tot mesclat. Lo cinèma, leis imatges, lei libres, lei discs, lei viatges, lei rescontres de totei menas, de totei lengas, lo lengatge. E de la colèra me plegue sus ieu coma pas jamai. Perque l'agressivitat dau defora m'es trop dura. Ai escondut mei mescladissas que fan ma sola riquèssa. Aquèu trabalh de dubertura sert de ren. Ai exibat mon Occitan coma sola cultura coma sola batèsta possible. Sarà pas de ma fauta, se vene violent. L'agressivitat ven dau defora. E vene l'Occitan caricaturau: Lo de la lucha e lo de la totala revouta. Deman me cromparai de plumas d'indian vo un capèu de gardian per monstrar ma batèsta. Leis indians vo lei cowboys. Lo pacifiste Baroncelli vos lo dirié: N'i a pron de calar.
1 comentari:
Osca ! Oc, n'i a pro ara ! Cal dintrar en resisténcia ! Quand vesèm ont nos menèt de porgir la gauta esquèrra : serviguèt pas qu'a nos prene un autre emplastre !!!
Caquelà, avèm una rason de nos regaudir : as vist que 80% dels joves de mens de 30 ans son favorables a las lengas regionalas ? Vaquí LA bona novèla ! Los del senat o de l'acadèmia son tras que vièlhs, an ja un pè al cementèri mentre que los joves, son eles que faràn lo país de deman ! Alara cal butar, pichon, sèm sus la bona dralha ...
Publica un comentari a l'entrada