madrid 5

Es temps de laissar l'arquitectura de l'aeroport faire sa vida d'aeroport. Vida de quitram. Rengada e rectangulara. Singulara. Simbol d'una solesa a jamai en parténcia... Lo terrenh de joc desapareis. Amé son rebaladis de veituretas oblidadas. Aprenem a fugir lei passatges clavelats que fau de longa traucar drech. Adiéu Marsilha. Bonjorn Madrid e son cèu bordelic.

madrid 4

Creses ai paisatges. A un autre pais. Prenes, galoi lo camin deis avions per oblidar lo climat de ton pais negat. Amé la magia dau viatge que s'anoncia creses au paradis. Mai dins l'aeroport de Marsilha (li dison "Provença") es l'infèrn qu'apareis. Veses lo diable franchimand sus un ecran plan que fa de moninariés a tu, paure inocent qu'engolis una poma sota un aubre en plastic d'Eden... A! Tot aquo s'anoncia ben! Vols laissar França, mai França, ela, te laissa pas...

madrid 3

Leberon es un país verd. Leberon es la montanha, l'èr fresc, lei darniers apicultors, un endrech de pantais onte lo telefonet passa pas. Onte pòs rescontrar lei darniers locutors e faire de collectatge plan planet. Aquí la representacion de Leberon avans de partir a Marsilha... Aeroport de Provença. Dequé demòra de la nòstra civilizacion? De la publicitat, de la recuperacion e de gris. Benvenguda en França. Quant còsta la cigala made en China? Enfin... Es lo promier jorn d'un viatge a Madrid. L'agéncia de viatge vos ditz: « Benvenguda ! »

(c) Fotografias originalas dau Tam – (c) Tam, 08.

madrid 2

Arquitectura d'un aeroport made in Provença. Lo got oblidat per una viajaira preissada... que laissa a pantaiar... Quau èra... Perqué laissèt lo cafè ?.... Trop caud? Pas pron bio?... Un amoros retrobat a la lèsta qu'apareis a la veirina d'una avion?... O la fugida d'un passat vergonhos?... L'esquina virada a son passat, la femna polida laissa son café e lo negre que difusis. Lèsta a afrontar surament un avenidor promés per un novèu pais europeenc. Coma disié una cançon: " Ailleurs/ Ailleurs tu dis que c'est toujours mieux". Lo parlador anoncia son nom d'ostau. Lo pais. Espanha. La vila. Madrid. Pasmens la tornarai pas trobar dins l'avion. Auriéu degut prene aquèu cafè coma l'ultima dralha de sa preséncia en França.

madrid

(c) Fotografias originalas dau Tam – (c) Tam, 08.

Aeroport de Marsilha, and Occitània made in Japan.

faire lo clown sens L (episodi 6)

Un sordat. Un violent. Me siéu transmudat en sordat amé un casco deis obras Bouygues trapat dins una maleta a joc qu'es tombada divinament sus lo platèu. Chtak. Après la guèrra, convidère una Madama-Clown-Sens-L de montar dins ma veitura (una cadièra de cosina, una taula bassa de salon). Avèm espotit un esquirou qu'avié la forma de ma man (un gant de boxe) sus lo paraveire invesible. Se siam marridats. Avèm divorciat. E escampère lo gant de Boxe a sou. Co qu'èra una marrida causa, diguèt la Capolièra Clown:sus scèna pas de violéncia. Auriéu poscut nafrat ma partenaria. Mai perqué tant de violéncia porgis de ieu?

Ai fach la vida uèi sus lo platèu: la guèrra e l'amor.

Lo public aimèt l'impro. E la capolièra clown me demandèt s'aviéu ja fach de tiatre. Dos cops me demandèt. Sembla positiéu.

La capolièra avié pas tant capitat sa chocrota coma l'autre cop.

Lo clown a pas lo drech de se tocar lo nas. Saup pas qu'es un clown. Fa partida d'èu, lo nas. Te toques lo nas de longa dins la vida?

Lo clown a pas drech d'escampar d'objècte sus l'autre.

Lo clown potoneja a distancia. Lo raport fisic es rare.

Lo clown bacèla a distancia.

Lo clown s'engana sus scèna. Son trauc de memoria pou èstre un procedit comic.

Lo clown agacha lo public. Dins leis uelhs. Contrarament au tiatre que regardes sus una rega d'orizon.

Lo clown es pas un timid. Es un generos. Dèu de longa agachar son partenari dins leis uelhs per saupre prepausar e comprene ço que li prepausa l'autre.

Lo clown dèu jamai prevèire ço que se debana sus lo platèu. Es un instinctiéu. Dèu semblar de longa susprés.

Li avié pas plus de nas de clown a la Fnac. Me fau comandar mon nas per internet. Question: Combien je chausse en clown?

Mon clown, uèi, se disié GNA.

A la debuta, lo clown parla coma un nene. Co que li passa lèu, ço diguèt la Capolièra, au flor e a mesura que comprenes ton personatge. Amé la masca dau clown, as tendéncia de parlar coma un nene. N'i a que parlèron de sa maire sus lo platèu. MDR! Es la clown terapia!

déquédis, problèma N°4: Mai de qué ditz ROBERT?

Fau-ti rampelar la consinha? Fau trobar ço que ditz Robèrt! A la vostra imaginacion e longa mai!

OSCO MANOSCO: ES LA MELO QU'A GAGNA!

I sian (à Galissian). Es la MELO que gagnè lou prèmi pèr lou DEQUEDIS N 3. OSCO MELO ! OSCO MANOSCO! Lis as touti manja aquèste cop! Auras ti regardèlo dins lou mes qu'arrivo ! Agacho! Co qu'as gagna es dins la sièto! GRAMACI MOUN TAM!

colère

ALORS QUE NOS INSTITUTIONS, NOS CULTURES, NOTRE ECOLE, NOTRE LAICITE, notre système de santé sont EN DANGER, que NOS VALEURS REPUBlicAINES sont détruites MANGEES PAR L'economie du marché. Que les défenseurs de la fonction publique, riches d'une certaine éthique nationale sont menacés, angoissés par les réformes, le manque de budget, la concurrence, et les mutations injustes, de quoi parle-t-on? D'un mariage.

faire lo clown sens L (episodi 5)

Es una pichota femna. La capoliera clown. Tota rossèla. Tota pichoneta. Que t'agacha amé l'agach precios dei comedians: Un agach intelligènt, sople, concentrat, que cerca lo mot precis. Un agach que cerca la gèsta preciza. Una intelligéncia dau cos. Una intelligéncia que me manquèt dempuèi l'an pèbre. Quora rintres sus lo platèu, delimitat per un fiéu, dins ton vestit de palhassa, la capolièra Clown te respecta: te ditz Monsur vo Madama, que jamai degun te parla pas plus coma aquo dins la vida. As un nas roge. De bralhas largas. Un tricot jaune e regat d'abelha. Una casquèta de Gavroche. Penses a Buster Keaton. E siés ja un autre. La capoliera clown faguèt naisser, de sa fisança, un bèu personatge. Un ravi de belèm, content de descubrir lo monde coma un nene. Qu'aima la vida. Lo lume dau projector lo pivela. Lo decor de la vila quilhat sus la scèna lo pivela. A enveja de lo tocar, lo calinhar, tot es pivelant, tot l'estracina. Car mon autre clown, que descubre d'un cop, es un sensuau! Ma fista! Un enfant sensuau! Vei lo public. A enveja de lo tocar, de lo prene dins sei braç. Aima tocar lo platèu, bracejar lo decor, seguir lo fiéu dei projectors amé sei detons. Mercés a la Capolièra. Una pichota granda femnda qu'a una capeladura fantastica. Que comprene pas coma se fa un chocrota coma aquo. Amé de barretas? Lo mistèri de la femna clown.

Le Chien Andalou, de Bunuel

Sus mon Blog, se clicatz sus la barra dei videos aconsacrada a Dali, podètz descubrir uèi la promièra partida dau film de Bunuel: Un chien Andalou.

Faire lo Clown, sens L, episodi 4: promier sentit

L'estage comença dins quauqueis oras. Siéu au mieu. Lo silènci de l'apart. Lei talons dei gents preissats dins lo corredor m'enfadan. La vida de defora e dedins se quicha sus ma paur. Lo solèu d'ivèrn es un astre penos que s'amossa, cremant, dins mon ventre. La paur ven dau ventre. Surament l'efiech de trop de cafeina. E aquèu biais borgés, que m'es propre, de totjorn abrivar amé una anticipacion aguda ço que va m'arribar. Pas trobar la rota, pas saupre parlar amé lei gents nous que vau rescontrar, pas saupre, pas coneisser, pas comprene leis exercicis. Pas èstre lo melhor, tanben. E la paur de se decebre encara. Ai cabussat de longueis oras dins mon banh en legissènt de jornaus politizats. Sabe pas perqué, fa quatre ans, la preséncia de l'aiga rassegura de longa mei nèrvis. Mai cambia pas la premsa tristassa!. Lo banh me rassegura e me crèba. Per mielhs rebombir dins la vida publica. Lo banh es un ventre. Es pas un ventre ecologist, mai es un ventre. L'aiga rintra dins meis aurilhas. Me tampan l'ausida. Ai de taps. De taps contra lo bruch dau defora. Rai. Ai pagat. Fau i anar. D'annadas que me refuse de faire de tiatre. Lei companhs me dison qu'ai pas besonh d'aprene lo mestièr de palhassa. Que lo siéu adejà dins la vida vidanta. Responde: Lo cors sarà mon iogà, mon cors de Tennis, mon dimècres a la piscina, mon activitat. E de se destacar d'aquèu mestièr perilhos me toca a cor. Lo cors sarà lo bonur de se retrobar. Benlèu. Mai se capite pas? Dins la vila de Tam, ai de mau de sortir per crompar lo pan. Perque la vila de Tam me rampèla trop lo trabalh, lei collègas de trabalh, la masca que porte au trabalh, lei praticas clientelistas e lei patronas tibadas per lei mancas de mejans dau monde dau trabalh en crisi. Ai de mau de rescontrar lo monde dau defora. Pasmens siéu un ome de la nuech et de la fèsta. M'agradan lei gents, lo rire e lei plasers. Mai lo jorn, siéu un dacos tamtanesc dins un banh vo dins un burèu. Subrevièure en plen jorn, coma la ratapenada perduda. Lo solèu de mon ventre crema encara. Me faudrà de vam. Un acte de coratge e d'eroisme per se. Per lo promier cop, amé la peta au ventre, dempuèi quatre ans, bessai que sortirai de ieu. E fa paur. Dins quatre oras, se levaràn lei ridèus de la pista dau circ. Lo tigre de mon ventre es encara dins sa gabia.

l'art de mon blog

La Mela me mandèt aquo. Responde.

1 . Quant de temps portes com a blocaire?
A vostre avejaire?...Chifras... matematicas... Sciéncias exactes... Tot aquo m'escapa... Quau me dirà la data d'espelida dau Tam? ... Manleva bessai a un viatge a Paris en co de Calou... Aquo fa dos ans?...


2. Com vas saber l'existència dels blogs?
Per la Mela. Sus MSN.

3. Digues 5 blogs que segueixes diàriament.
Lo de Mela, lo de K (que, de longa, torna faire son acamp per Nové e son acamp amé sei collègas. Es coma un tablèu de Vialat: lo concept de la repeticion), lo blog de ma banca (mdr) ( qu'a tanben lo sindrome de la repeticion)....


4. Ets lector anònim d'algun bloc?

Oc.

5. Alguns autors que et generin especial simpatia.
Lo Peiroton, Lo Quequejaire, La Mela, La Jefa e sa collèga Pomponeta, e totei lei gents que m'espaton: leis anonims, lei ponctuaus, lei curios, lei un-cop-me-tomba-un-uèlh, leis argentins, lei franchimands e toteis leis artistas que capite de monstrar sus ma tèla e que me permeton de parlar d'art...


6. Amb quins 5 blocaires aniries de marxa?
Sai pas.

7. Amb quins 3 blocaires passaries una nit de bogeria sexual?
Sabe pas quau s'escond darrier lo clavièr Azerty... Mandatz fotografias puèi farem una partida... Siéu per partejar leis emocions blogescas... I want your blog.... I want your know... Diguidigui come on!

8. T'has enamorat mai d'algun blocaire?
E ta mameta?

9. Estàs satisfet amb el teu bloc?
Ai de marridei passas... Cresiéu reviscolar l'art e l'expression occitana amé lo mieu blog... MDR!... Ara parle dau clown que dormis en ieu.... Abans aviéu enveja de parlar de longa de la vila de Tam per desnonciar la vida politica d'aqui... Puèi de faire un blog de fotos en negre e blanc... Ara, i a tot aquo aqui dedins... Es complicat mon blog... Es ieu!


10. Escull entre 3 i 5 blocaires per a què facin aquest meme.
La k! La K! La K!

Deman, promièreis alas per lo clown, episodi 3

Deman promier cors de clown sens L. Ai ja mancat lo promier que la capolièra clown perdeguèt mon bon de participacion e mon numèro de telefonet per confirmar la data. Es deman, es a 17 h30. Dins la vila d'Agradà. Ara siéu estressat que sembla complicat lo luoc sus la mapa. Partirai a 8 oras dau matin. Per me pas trompar. E per arribar d'ora.

Au fach, m'avian convidat per un acamp traç qu'important a l'agéncia de viatge. Diguère de non. Lo dijous, fau lo clown sens L. E lo trabalh, non, es pas sempre la vida!

PS: Non, mela, brande pas pas ren. Mai ère en conflicte existenciau amé mon Tam interior.

Lo Cor de la Plana en Arle

En Arle, Lo Cor de la Plana presentèt un projècte de "residéncia" per lei SUDS EN ARLE, per l'estiéu 2008. La presentacion èra au musèu d'ARTLE ANTIC. Era ben. Era una tantossada presentada per JAUME MAIGNE, lo que faguèt lo bèu GEO sus l'Occitània. An ben cantat. An difusit lo messatge que falié faire de colectatge tre ara amé lei darniers parlaires que coneissèm. Anem lei gents! A l'obra! Se lei lectors dau TAM an ja fach de colectatge, podon me dire coma fan? Amé quineis aisinas? Quineis aisinas crompar? Lei tecnicas dau montatge? La presentacion? Coma conèisser e aprochar lei gents? E tot aquo? Es una experiéncia que m'agradarié de faire. GRAMACI!

« Du chant traditionnel ? Sans doute, mais franchement davantage. Des chants à danser qui emportent dans une transe souriante, triomphent de tous les blocages corporels ou mentaux. Des ritournelles viriles, pétillantes d'une fraîcheur mutine. Les six lascars de ce choeur d'hommes du quartier de La Plaine, à Marseille, donnent une élasticité salutaire à l'idée de tradition. Ils revisitent le patrimoine populaire occitan, le recréent en y inventant la polyphonie et transgressent l'idée que l'on pourrait s'en faire, lui injectant swing, groove et bonne humeur dissipée. Ils s'accompagnent de battements de mains et de pieds, de bendirs et autres peaux, invitent à l'occasion des amis, dont la fanfare Auprès de ma blonde ou l'ensemble algérien El Hilal. »
Patrick Labesse dans LE MONDE

déquédis, problèma N°1

Tiens ce serait pas une apparition de la vierge?

Gramaci a Pomponeta qu'a trobat aquela granda frasa, que comptarà dins l'istoria Tamtanesca! E osca per sa creativitat. A donc ganhat de regardèlas. Lo merites, bèn. A lèu per un Déquédis, n°2!

Sean Penn: Into The Wild

Aqui lo troç a pas gaire de raport amé lo filme. Monstra l'engatjament dau realizaire pendènt la cauma deis escenaristes americans. Que se troban pas pron pagats. Leis escenaristes an calat. Vaqui, doncas, ço que dona un actor sensa escenariste.

Into the Wild es un grand filme dau grand SEAN PENN. Un road-movie de 2 o 30. L'epopèia d'un jovent que fugis son educacion borgèsa e l'autoritat de sei gents. Es la representacion de l'ideau de Rousseau: Lo Bon Sauvatge. Lo retorn a la natura. Mai tanben aquela idèia que nos ven de cops que i a dins la tèsta: desapareisser. Lo filme a un raport a la natura que nos fa pensar a Giono. Lei plans son espantants. L'actor es
força presènt. E aquèu viatge iniciatic capitat joga amé lei metaforas de la natura, metaforas de vida, que nos manlevan ai mai polidei simbolicas de Mistral dins Lo Poèma dau Rose: Moviment dau Flume, Apasiment de la Plana, Paur dei vilas e dei civilizacions modèrnas... De pas mancar.

Data de sortida : 09 de Janvier de 2008 Realizat per Sean Penn Amé Emile Hirsch, Marcia Gay Harden, William Hurt Filme american. Genre : Aventura, Drame Durada : 2h 27min. Annada de produccion : 2007 Distribuit per Pathé Distribution

torna me lèu!

Les Surfs - Reviens vite et oublie
envoyé par Salut-les-copains


Lo clip dei RESQUILHAIRE (LEIS ESSURF, en francés) a pas ges de raport amé lo filme que veguère aièr de ser, qu'èra anglés mai revirat en FRANCHIMAND (e oc, me siéu enganat de cinèma) que se disié TORNA ME LEU, REVIENS MOI VITE, GET ME BACK FAST PUSSY CAT (sabe pas lo nom anglés d'aquèu melo sucrat, me faudrié anar verificar sus la telaranha, ai la broda, alara fau una reviradura tamtonesca). Lo document aqui es per ilustrat lo titol dau filme. Que me fa pensar an aquela cançon. Trobère pas la benda anoncia. E, coma per lo filme, la version francèsa es afrosa. Es un pauc coma vas veire un WOODY ALLEN en franchimand amé la voès de Rogièr Carrèu. Te dona l'impression d'agachar ASTERIX au pais dei BOBOS. Vo WOODY a Nouille-Yorke (avètz totei remarcat l'alusion fina a Manhattan). Dins Torna me lèu, leis actors, son amoros e gelos leis uns deis autres, semblan parlar en play-back (en parla-darrier, en oc). Es per aquo qu'ai pegat lo clip dei RESQUILHAIRE aqui. Parlan d'amor maloros e fan mau lo parla-darrier. E la reviradura es marrida marrida. De tot biais ai pas de me justificar sus la causida de meis imatges. Siatz TF1, vo lo csa? A! Coquin de sort! M'as comprés! Es coma per leis enfants, dones aquo, te demandan aquo...

Reviens moi (torna me, get back pussicat, reviens-moi)
Data de sortida: 9 de Janvier de 08.
Realisat per Joe Wright
Amé Keira Knightley, James McAvoy, Saoirse Ronan Plus...
Filme britanic. Genre : Drame
Durada : 2 o 3 mn (francament, es longuet). Annada de produccion : 2007
Titol originau : Atonement (a! aqueste cop! lo vaqui! mai es pas ço qu'aviéu dich, son marrits leis anglés en reviradura)
Distribit per Estudio Anau.

faire lo clown sens L (episodi 2)

faire lo clown sens L... Mandère lo chèc per l'estage... E me faguèt pas rire...






Ah! J'ai la rage!

Le pouvoir d'achat pour les clowns! Rendez le pouvoir d'achat pour les clowns!

funeralhas joiosas

bande annonce
Uploaded by JOYEUSES_FUNERAILLES

Lo film lo mai risolier de l'annada! De veire d'urgéncia! Ai contaminat la satla amé mon rire! Ai pas arrestat de me cacalassar! Umor negre, anglés e de marrit gost! Es TA-RRI-BLE!

déquédis, problèma n°1: segonda partida

Segonda partida dau joc dau DEQUEDIS,problèma N°1. Ara, cars lectors dau TAMTAM, vos fau votar per vostre comentari preferit dins la rubrica sondatge a costat. Bon astre! Lo resultat sarà placardat sus lo blog lo 13 de janvier de 2008. Anem! Fasètz de publicitats! Leis prèmis son nombros, sas! Podètz ganhar de regardèlas!

déquédis ?

Vaqui un joc novèu qu'avèm inventat amé la Mela. Fau se laissar anar a l'improvisacion e trobar de que ditz lo personatge sus la foto. La mai risolièra sarà retenguda. Uèi, fai parlar lo personatge. MAI DEQUE DITZ?

Le Samedi 12 janvier au Balthazar

Tradicionau Dub Balèti

Roland PECOUT

Mauresca Fracas Dub

Arnofrommars & Sylvain Bulher (D’Aqui Dub)

+ Guests

A partir de 21h00 – PAF : 5 euros (+ 3 euros d’adhésion à l’année)

Dans la collection des livres-disques de l’Ostau dau Pais Marselhes, voici le nouveau venu. Après celui sur Victor Gelu « Poète du peuple marseillais », un livre-disque autour des poèmes de Roland Pécout.

Une soirée pour bien commencer l’année !!!!! Et pour rappeler que le livre disque de des poèmes de Roland PECOUT ne va pas tarder à arriver… !!!! Et que les souscriptions sont encore et toujours les bienvenues…

Le disque qui accompagne le livre regroupe une dizaine de groupes de musiques qui interprètent à leur sauce des textes de Roland PECOUT. Certains viennent nous donner un aperçu pour ce premier TDB de l’année.

Contact : micmac : 04 91 550 007 – mediamicmac@wanadoo.fr

Le Samedi 12 janvier au Balthazar

Tradicionau Dub Balèti

Livre – disque Roland PECOUT

Mauresca Fracas Dub

Arnofrommars & Sylvain Bulher (D’Aqui Dub)

+ Guests

A partir de 21h00 – PAF : 5 euros (+ 3 euros d’adhésion à l’année)

faire lo clown sens L

"Faire lo clown sens L" es una expression que trobam dins Gaston Lagaffe. Qu'a l'epoca, avian pas lo drech de dire de gros mots dins lei BD per enfants... Alara, me siéu trobat un estagi de Clown, de palhassa per l'ivèrn. I a un brieu que fau tot per mon trabalh e ren per ieu. E lo tiatre m'agrada. A l'atge de 13 ans, ère bon per lo tiatre. Per un cop, ère bon per quauquaren. Alara, a mon atge, m'escampe. E vos vau dire... Ai la peta... Perque se faudrà metre a nus davans leis autres (que coneisse pas, que son comedians, començaires, enseinhaires, caumaires), assajar de faire rire. Ja ai sonat a la chorma de tiatre. Es una bona causa. Tres oras per prene la decision de passar la telefonada. Coma s'anave jogar ma vida. Mai es un pauc aquo per ieu. La crenta dau fracàs. La femna clown professionala me rassegurèt. La femna de la voés douça m'expliquèt que cadun avié un clown en se e que lo falié trobar. Bon. Sarà mielhs qu'un epsi non? En esperant de me crear un clown pron fin... Amé la L... que me donarà d'alas... (siéu lo rei dau joc de mot. youkaidi coma dirié lo grand agregat. Ai trobat mon clown, es ramond devos...)

max rouquette

Max Rouquette et le renouveau de la poésie occitane

La poésie d’oc dans le concert des écritures européennes (1930-1960)

Montpellier 3 et 4 avril 2008 – REDOC – ETOILL Université Paul Valéry

Fotografia de Carles Camberoque, vist sus lo siti de Cardabelle.


http://www.cardabelle.fr/

rémy salamon, conteur

Rémy Salamon
conteur
Contes traditionnels de Provence et du pays d'Oc
en français et/ou en provençal
pour adultes et enfants.
Animations en milieu scolaire, médiathèques …

Nouveau spectacle disponible à partir de février 2008 : " Et le
printemps s'en vint … "

Plus que 2 jours avant Noël!
envoyé par lafamilledenoel

une véritable régression dans la manière de concevoir la laïcité

Laïcité : l'approche sarkozyenne, par Yvon Quiniou
LE MONDE | 27.12.07

©

Per legir l'article, clicatz sus lo liame. Espère lei comentaris.

l'ors blanc

L'Ours Blanc est une association à but non lucratif de type "loi 1901", qui a pour objectif de regrouper des créateurs, artistes ou intellectuels d'expressions diverses, afin de faciliter la réalisation d'œuvres communes ou individuelles.

Pourquoi une telle association ?

L'idée est venue en prenant conscience de l'isolement dans lequel se trouvent nombre d'artistes, trop souvent condamnés à ce que la plupart de leurs œuvres ne soient jamais offertes à l'appréciation d'un public, si minime fût-il. C'est que, en dehors de toute considérationde qualité artistique, pour avoir une chance d'être admis à utiliser les circuits, grands ou petits, de la production culturelle, il est nécessaire de faire acte d'allégeance, que cette allégeance soit politique, culturelle, philosophique, commerciale, etc.

http://assocloursblanc.over-blog.com/